ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର (ଓଡ଼ିଶା ରିପୋର୍ଟର): ଅତିଥି ହୋଇ ଆସିଲେ। ଖାଇଲେ, ପିଇଲେ ଓ ଚୋରି କରି ଖସିଲେ। ଏପରି ଏକ ଭିନ୍ନ ଉପାୟରେ ଚୋରି ହୋଇଛି ରାଜଧାନୀ ଭୁବନେଶ୍ୱରରେ। ଏକ ବିବାହ ଉତ୍ସବକୁ ବିନା ନିମନ୍ତ୍ରଣରେ ଆସି ଏପରି କାଣ୍ଡ ଭିଆଇଛନ୍ତି ଜଣେ ଯୁବକ। ସିସିଟିଭି ଫୁଟେଜ୍‌ରୁ ଘଟଣା ଜଣାପଡ଼ିବା ପରେ ପୋଲିସ ଯୁବକଙ୍କୁ ଗିରଫ କରିଛି।</p> <p>ଖବର ଅନୁସାରେ ରାଜଧାନୀର ଏକ ହୋଟେଲରେ ଚାଲିଥିବା ବାହାଘର। ଭୋଜିରେ ହାଇ ପ୍ରୋଫାଇଲ୍ ଢଙ୍ଗରେ ଚୋରି କରିଛନ୍ତି ଅତିଥି ହୋଇ ଆସିଥିବା ଯୁବକ ଜଣକ। ଆଖି ପିଛୁଳାରେ ବାହାଘରରେ କନ୍ୟା ଜଣଙ୍କୁ ମିଳିଥିବା ଗିଫ୍ଟ ଭାଉଚର ଗୁଡ଼ିକୁ ପକେଟରେ ପୂରାଇ ଗାଏବ ହୋଇଯାଇଥିଲେ। ଘଟଣା ସଙ୍ଗେ ସଙ୍ଗେ ଜଣାପଡ଼ି ନ ଥିଲା। ବାହାଘର ଶେଷ ହେବା ପରେ କମ୍ ଗିଫ୍ଟକୁ ଦେଖି ଘରଲୋକଙ୍କ ସନ୍ଦେହ ହୋଇଥିଲା। ଏହାପରେ ପରିବାର ପକ୍ଷରୁ ସମ୍ପୃକ୍ତ ହୋଟେଲରେ ଲାଗିଥିବା ସିସିଟିଭି ଯାଞ୍ଚ କରାଯାଇଥିଲା। ଯାଞ୍ଚ ସମୟରେ ସମ୍ପୃକ୍ତ ଅନିମନ୍ତ୍ରିତ ଅତିଥି ଚୋରି କରୁଥିବା ସ୍ପଷ୍ଟ ଜଣାପଡ଼ିଥିଲା।</p> <p>ସିସିଟିଭି ଆଧାରରେ ଏନେଇ ରାଜଧାନୀର ଲକ୍ଷ୍ମୀସାଗର ଥାନାରେ ଅଭିଯୋଗ କରାଯାଇଥିଲା। ଅଭିଯୋଗ ଆଧାରରେ ପୋଲିସ ପ୍ରଭାତ କୁମାର ଚୌଧୁରୀ ନାମକ ଏହି ଯୁବକଙ୍କୁ ଗିରଫ କରିଛି। ଗିରଫ ପ୍ରଭାତଙ୍କ ନାଁରେ ଭାରତୀୟ ପିଙ୍ଗଳ କୋଡ୍ ଦଫା ୩୮୦ ଅନୁଯାୟୀ ଲକ୍ଷ୍ମୀସାଗର ଥାନାରେ କେସ୍ ନଂ. ୬୩ରେ ଏକ ମାମଲା ରୁଜୁ ହୋଇଛି। ପ୍ରଭାତଙ୍କୁ ଗିରଫ କରିବା ପରେ ତାଙ୍କ ନିକଟରୁ କେତେକ ଚୋରି ସାମଗ୍ରୀ ମଧ୍ୟ ଜବତ ହୋଇଥିବା ଜଣାପଡ଼ିଛି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
