ହୋଲି ଖେଳି ଗାଧୋଇବାକୁ ଯାଇ ନଦୀରେ ବୁଡ଼ିଗଲେ ବାପା ଓ ପୁଅଝିଅ

ସମ୍ବଲପୁର (ସଞ୍ଜୟ ଜେନା): ସମ୍ବଲପୁର ଜିଲ୍ଲା ଠେଲକୋଲୋଇ ଥାନା ଅନ୍ତର୍ଗତ ଖେରୁଆଲ ନଦୀରେ ବୁଡ଼ି ଗୋଟିଏ ପରିବାରର ୩ ଜଣ ସଦସ୍ୟଙ୍କ ମୃତ୍ୟୁ ଘଟିଛି।

ମୃତକମାନେ ହେଲେ ରାଜୁ ପାଶୱାନ୍‌, ତାଙ୍କର ୮ ବର୍ଷର ପୁଅ ବାଦଲ ଓ ୭ ବର୍ଷର ଝିଅ ଶୁଭା ପାଶୱାନ୍‌।

[caption id="attachment_356817" align="aligncenter" width="750"] ରାଜୁ ପାଶୱାନ୍‌[/caption]

ରାଜୁଙ୍କ ଘର ବିହାରର ବନାହି ଗାଁରେ। ତେବେ ସେ ଏଠାରେ ତାଙ୍କ ପରିବାର ସହ ରହୁଥିଲେ।

ଗତକାଲି ଏମାନେ ସମସ୍ତେ ହୋଲି ଖେଳି ସାରିବା ପରେ ଖେରୁଆଲ ନଦୀକୁ ଗାଧୋଇବାକୁ ଯାଇଥିଲେ। ତେବେ ସନ୍ଧ୍ୟା ଯାଏ ନ ଫେରିବାରୁ ପରିବାର ଲୋକେ ଠେଲକୋଲୋଇ ଥାନାରେ ଅଭିଯୋଗ କରିଥିଲେ।

[caption id="attachment_356818" align="aligncenter" width="749"] ରାଜୁ ପାଶ୍ୱାନଙ୍କ ପୁଅ[/caption]

ଆଜି ସକାଳେ ଦମକଳ ବାହିନୀ ସହାୟତାରେ ୩ ଜଣଙ୍କ ମୃତଦେହ ନଦୀରୁ ଉଦ୍ଧାର କରାଯାଇଥିଲା।

ଏହି ଘଟଣାକୁ ନେଇ ପୁଲିସ୍‌ ଏକ ଅପମୃତ୍ୟୁ ମାମଲା ରୁଜୁ କରିଛି।