ସାତକୋଶିଆ ‘ସୁନ୍ଦରୀ’ ବାର୍‌ହା ଖାଇଲା

<p>ଅନୁଗୋଳ (ବିରଜା ପ୍ରସାଦ ଦାଶ): ମଧ୍ୟପ୍ରଦେଶରୁ ଆସି ସାତକୋଶିଆରେ ସ୍ୱତନ୍ତ୍ର ଏନକ୍ଲୋଜରରେ ଥିବା ବାଘୁଣୀ &lsquo;ସୁନ୍ଦରୀ&rsquo; ଖାଦ୍ୟ ଗ୍ରହଣ କରିଛି। ସେ ଏକ ବାର୍&zwnj;ହା ମାରି ଖାଇଛି। ଗତକାଲି ତା&rsquo; ଖାଦ୍ୟ ଭାବେ ଏହି ବାରାହାକୁ ଏନକ୍ଲୋଜର ମଧ୍ୟରେ ଛଡ଼ାଯାଇଥିଲା।</p> <p>ଗତକାଲି ସୁନ୍ଦରୀକୁ ମଧ୍ୟପ୍ରଦେଶର ବାନ୍ଧବଗଡ଼ରୁ ଏଠାକୁ ଅଣାଯାଇଥିଲା। ତାକୁ ସାତକୋଶିଆର ରାଇଗୋଡ଼ା ଅଞ୍ଚଳରେ ରାତି ୯ଟା ୫୦ରେ ସ୍ୱତନ୍ତ୍ର ଏନକ୍ଲୋଜରରେ ଛଡ଼ାଯାଇଥିଲା। ତା&rsquo; ଉପରେ ୨୪ ଘଣ୍ଟା ନଜର ରଖିବା ପାଇଁ ଏନକ୍ଲୋଜରରେ ସିସିଟିଭି ଲଗାଯାଇଛି।</p> <p>ପୂର୍ବରୁ ଆସିଥିବା ବାଘ ଏନକ୍ଲୋଜରରେ ନିକଟରେ ହିଁ ଏହାର ଏନକ୍ଲୋଜର ରହିଛି। ବାଘୁଣୀକୁ ନିଶ୍ଚେତକ ଦିଆଯାଇ କାବୁ କରି ସାତକୋଶିଆ ଅଣାଯାଇଥିଲା। ଓଡ଼ିଶା ଓ ମଧ୍ୟପ୍ରଦେଶର ବନବିଭାଗ ଟିମ୍, ୱାଇଲ୍ଡ ଲାଇଫ୍ ଇନ୍&zwnj;ଷ୍ଟିଚ୍ୟୁଟ୍&zwnj; ଅଫ୍ ଇଣ୍ଡିଆର ବିଶେଷଜ୍ଞ ଓ ବନ୍ୟପ୍ରାଣୀ ଡାକ୍ତରଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଏକ ସ୍ୱତନ୍ତ୍ର ଗାଡ଼ିରେ ତାକୁ ଅଣାଯାଇଥିଲା। &nbsp;ଗତ ୨୧ ତାରିଖରେ ଆସିଥିବା ବାଘ ଏକୁଟିଆ ଥିବାରୁ ବାଘୁଣୀକୁ ଆଣିବା ନିହାତି ଆବଶ୍ୟକ ଥିଲା ବୋଲି କହିଥିଲେ ଜଙ୍ଗଲ ବିଭାଗ ସଚିବ। କିଛି ଦିନ ପରେ ଉଭୟ ବାଘବାଘୁଣୀଙ୍କୁ ସାତକୋଶିଆ ଜଙ୍ଗଲରେ ଛଡ଼ାଯିବ।</p>