ବଲାଙ୍ଗୀର: ବଲାଙ୍ଗୀର ଜିଲ୍ଲା ଟିଟିଲାଗଡ ହାଜତ ମୃତ୍ୟୁ ମାମଲାରେ ଅଭିଯୁକ୍ତଙ୍କ ବିରୋଧରେ ଗିରଫ ପରୱାନା ଜାରି କରାଯାଇଛି । ଗତବର୍ଷ ଜୁନ ୨୮ ତାରିଖରେ ମୋବାଇଲ ଚୋରି ଅଭିଯୋଗରେ ହାଜତରେ ଥିବାବେଳେ ବସନ୍ତ ପ୍ରଧାନ ନାମକ ଯୁବକଙ୍କ ମୃତ୍ୟୁ ଘଟିଥିଲା । ସେତେବେଳେ ଏହାକୁ ବିରୋଧ କରି ସ୍ଥାନୀୟ ଅଞ୍ଚଳରେ ବ୍ୟାପକ ପୋଡାଜଳା ହୋଇଥିଲା। ତେବେ ଗତ ମେ ୧୯ ତାରିଖରେ ଟିଟିଲାଗଡ ଏସଡିଜେଏମ କୋର୍ଟ ଏହି ମାମଲାରେ ୪ ଜଣଙ୍କ ନାଁରେ ଗିରଫ ପରୱାନା ଜାରି କରିବା ସହ ଅଭିଯୁକ୍ତଙ୍କୁ ଅଗଷ୍ଟ ୨୨ ତାରିଖ ସୁଦ୍ଧା ଗିରଫ କରିବାକୁ ନିର୍ଦ୍ଦେଶ ଦେଇଥିଲେ । ସେପଟେ ଏହି ମାମଲାର ତଦନ୍ତ ଭାର ଏଚ୍ଆର୍ପିସିଙ୍କ ଦାୟିତ୍ୱରେ ଥିଲାବେଳେ ଅଭିଯୁକ୍ତ ତାରିକ ଅହମଦ୍, ଅନନ୍ତ ପ୍ରଧାନ, ଦିଲ୍ଲୀପ କୁମାର ଡାଙ୍ଗ ଓ ଡ୍ରାଇଭର ସରୋଜ ନାୟକ ଫେରାର ଥିବା ଜଣାପଡିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
