ଆଜି ଓଡ଼ିଶା ଆସୁଛନ୍ତି ମୋଦି

<p>ଭୁବନେଶ୍ୱର(ଓଡ଼ିଶା ରିପୋର୍ଟର): ଆଜି ଓଡ଼ିଶା ଆସୁଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ତେଣୁ କଟକ କିଲା ବଲିଯାତ୍ରା ଉପର ପଡ଼ିଆରେ ହେଉଛି ବିରାଟ ସମାବେଶ। ଏନ୍&zwnj;ଡିଏ ସରକାରର ଚତୁର୍ଥ ବର୍ଷ ପୂର୍ତ୍ତି ଅବସରରେ ସାଧାରଣ ଜନତାଙ୍କୁ ଉଦ୍&zwnj;ବୋଧନ ଦେବେ ମୋଦି। ଏଥିପାଇଁ ସବୁ ପ୍ରସ୍ତୁତି ଚୂଡ଼ାନ୍ତ ହୋଇଛି।</p> <p>ପ୍ରଧାନମନ୍ତ୍ରୀଙ୍କ ଗସ୍ତକୁ ଦୃଷ୍ଟିରେ ରଖି ସୁରକ୍ଷା ବ୍ୟବସ୍ଥା କଡାକଡି କରାଯାଇଛି।&nbsp; ଭୁବନେଶ୍ୱରରେ ମୋଦି ପହଞ୍ଚିବା ପରେ ସେଠାରୁ ହେଲିକପ୍ଟରରେ କଟକ ଯିବେ। ମୋଦିଙ୍କ ଗସ୍ତ ପୂର୍ବରୁ ପୋଲିସ ଡିଜି ସମାବେଶ ସ୍ଥଳକୁ ଯାଇ ସୁରକ୍ଷା ବ୍ୟବସ୍ଥାର ଯାଞ୍ଚ କରିଛନ୍ତି। ଭୁବନେଶ୍ୱରରେ ମଧ୍ୟ ବମ୍ ଓ ଡଗ୍ ସ୍କ୍ୱାଡ ସବୁ ଅଞ୍ଚଳକୁ ତନତନ କରି ଯାଞ୍ଚ କରିଛନ୍ତି। ଏହା ସହିତ ଭୁବନେଶ୍ୱର ଏୟାରପୋର୍ଟରୁ କଟକ ଯାଏ କାର୍ କେଡ୍&zwnj;ର ରିହର୍ସାଲ କରାଯାଇଥିଲା। ସୁରକ୍ଷା ଦୃଷ୍ଟିରୁ ସମାବେଶ ସ୍ଥଳକୁ କୌଣସି ବ୍ୟକ୍ତି ନିଜ ସାଙ୍ଗରେ ଜିନିଷ ପତ୍ର କିମ୍ବା ପାଣି ବୋତଲ ନେଇ ପାରିବେ ନାହିଁ।</p> <p>ସାଧାରଣ ଲୋକଙ୍କ ପାଇଁ ୧୨ଟି ପ୍ରବେଶ ପଥ କରାଯାଇଥିବାବେଳେ ମହିଳାଙ୍କ ପାଇଁ ସ୍ୱତନ୍ତ୍ର ପ୍ରବେଶ ପଥ କରାଯାଇଛି।&nbsp; ଯଦି ସ୍ୱାସ୍ଥ୍ୟଗତ ସମସ୍ୟା ଦେଖା ଦିଏ, ସେଭଳି ପରିସ୍ଥିତି ପାଇଁ ଭୁବନେଶ୍ୱର କ୍ୟାପିଟାଲ ହସ୍ପିଟାଲରେ ସ୍ୱତନ୍ତ୍ର&nbsp; କ୍ୟାବିନର ବ୍ୟବସ୍ଥା ହୋଇଛି।</p>