ବ୍ରହ୍ମପୁର(ଓଡ଼ିଶା ରିପୋର୍ଟର):ଆଜି ବ୍ରହ୍ମପୁର ଦିଗପହଣ୍ଡି ମୁଖ୍ୟ ରାସ୍ତାର ଦକ୍ଷିଣପୁର ଗ୍ରାମ ଠାରେ ଦୁଇ ବାଇକ ମୁହାଁମୁହିଁ ଧକ୍କା ହୋଇଛି। ଦୁର୍ଘଟଣାରେ ୨ଜଣ ବାଇକ ଚାଳକଙ୍କ ଘଟଣା ସ୍ଥଳରେ ମୃତ୍ୟୁ ହୋଇଛି। ବାଇକ୍ରେ ବସିଥିବା ଜଣେ ଯୁବତୀ ଓ ଅନ୍ୟ ଜଣେ ଯୁବକ ଗୁରୁତର ଆହତ ହୋଇଛନ୍ତି। ମୃତକମାନେ ହେଲେ ବ୍ରହ୍ମପୁର ବଡ଼ ବଜାର ଖାସ୍ପା ସାହିର ଭବାନୀ ଶଙ୍କର ଆଚାରି ଓ ପୁରୁଷୋତ୍ତମପୁର ଥାନା ସାହାସପୁର ଗାଁର ରୁଦ୍ର ପ୍ରସାଦ ପ୍ରଧାନ।
ଭବାନୀ ଓ ଅନ୍ୟ ଜଣେ ଯୁବକଙ୍କ ସହ ଏକ ବାଇକରେ ଦକ୍ଷିଣପୁରରୁ ବ୍ରହ୍ମପୁର ଆସୁଥିବା ବେଳେ ରୁଦ୍ର ଏକ ବାଇକ ଯୋଗେ ପାଟପୁର ଅଂଚଳର ଜଣେ ଯୁବତୀଙ୍କୁ ଛାଡିବାକୁ ବ୍ରହ୍ମପୁରରୁ ଯାଉଥିଲେ। ବାଟରେ କୌଣସି କାରଣ ବଶତଃ ଭାରସାମ୍ୟ ହରାଇ ଉଭୟ ବାଇକ ମୁହାଁମୁହିଁ ଧକ୍କା ହୋଇଛି। ଦୁର୍ଘଟଣା ଖବର ପାଇ ସଦର ଥାନା ପୁଲିସ ପହଞ୍ଚି ଶବ ଜବତ କରିବା ସହ ଆହତ ଦୁଇ ଜଣଙ୍କୁ ବ୍ରହ୍ମପୁର ଏମକେସିଜି ମେଡିକାଲରେ ଭର୍ତ୍ତି କରିଛି।