ଭବାନୀପାଟଣା (ରାଜକୁମାର ସିଂହଦେଓ): କଳାହାଣ୍ଡି ଜିଲ୍ଲା କେସିଙ୍ଗା ବନ ବିଭାଗ ଅଧିକାରୀମାନେ ପୁଲିସ୍ ଭ୍ୟାନ୍ରେ ଚୋରାଚାଲାଣ ହେଉଥିବା କାଠ ପଟାକୁ ଜବତ କରିଛନ୍ତି। ଏହା ସହିତ ଏ ଘଟଣାରେ ଦୁଇ ଜଣ କନଷ୍ଟେବଲ୍ଙ୍କୁ ଗିରଫ କରିଛନ୍ତି।
ଗତକାଲି ରାତି ପ୍ରାୟ ୯ଟା ବେଳେ କୌଣସି ସୂତ୍ରରୁ ଖବର ପାଇ କେସିଙ୍ଗା ରେଳ ଫାଟକ ଠାରେ ପୁଲିସ୍ ଭ୍ୟାନ୍କୁ ବନ ବିଭାଗ ଅଧିକାରୀମାନେ ଅଟକାଇ ଯାଞ୍ଚ କରିଥିଲେ। ଯାଞ୍ଚ ବେଳେ ଭ୍ୟାନ୍ ମଧ୍ୟରୁ କାଠ ପଟା ଜବତ କରାଯାଇଥିଲା।
ଭ୍ୟାନ୍ଟି କଳାହାଣ୍ଡିରୁ କଟକ ଅଭିମୁଖେ ଯାଉଥିଲା ବୋଲି ଜଣାପଡ଼ିଛି। ହେଲେ ବନ ବିଭାଗ ଏ ଘଟଣା ସମ୍ପର୍କରେ ମୁହଁ ଖୋଲୁ ନଥିବାରୁ ମାମଲା ରଫାଦଫା ହେବାର ସମ୍ଭାବନା ଥିବା ସାଧାରଣରେ ଚର୍ଚ୍ଚା ହେଉଛି।