ଏନକାଉଣ୍ଟରରେ ୨ ଦୁର୍ଦ୍ଦାନ୍ତ ଅପରାଧୀ ଆହତ

<p>ପୁରୀ( ଓଡ଼ିଶା ରିପୋର୍ଟର): ପୁରୀ ମଙ୍ଗଳପୁର ନିକଟ କାଜିପାଟଣାରେ ପୋଲିସ୍&zwnj; ଏନକାଉଣ୍ଟରରେ ଦୁଇଜଣ ଦୁର୍ଦ୍ଦାନ୍ତ ଅପରାଧୀ ସୁବାସ ପ୍ରଧାନ ଓ ଅମର ସୋଲାଙ୍କି ଆହତ ହୋଇଛନ୍ତି। ଉଭୟଙ୍କ ଗୋଡ଼ରେ ଗୁଳି ବାଜିଛି। ଗୁରୁତର ଅବସ୍ଥାରେ ସେମାନଙ୍କୁ ପ୍ରଥମେ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ପରେ ସେମାନଙ୍କୁ କଟକ ବଡ ମେଡିକାଲକୁ ସ୍ଥାନାନ୍ତର କରାଯାଇଛି।</p> <p>ଗତକାଲି ବିଳମ୍ବିତ ରାତିରେ କୌଣସି ବିଶେଷ ସୂତ୍ରରୁ ପୋଲିସ୍&nbsp; ଖବର ପାଇ ପୁରୀ ମଙ୍ଗଳପୁର ନିକଟ କାଜିପାଟଣାଠାରେ&nbsp; ସେମାନଙ୍କୁ କାବୁ କରିବାକୁ ଚେଷ୍ଟା କରିଥିଲା। ତେବେ ଅପରାଧୀମାନେ ପ୍ରଥମେ ପୋଲିସ ଉପରକୁ ୩ ରାଉଣ୍ଡ ଗୁଳିମାଡ଼ କରିଥିଲେ। ପରେ ପୋଲିସ୍&zwnj; ସେମାନଙ୍କ ଉପରକୁ ପାଲଟା ଗୁଳି ଚାଳନା କରିଥିଲା।&nbsp; ଗୁଳି ସୁବାସ ଓ ଅମରର ଗୋଡରେ ବାଜିଥିଲା।</p> <p>ପୁରୀ ବାଟଗାଁର ଗଙ୍ଗା ଭୋଳ ମର୍ଡର କେସରେ ଉଭୟଙ୍କର ସମ୍ପୃକ୍ତି ଥିବା ଜଣାପଡିଛି।</p> <p>ସୁବାସ ସୁରଟରେ ୨ଟି ହତ୍ୟା ମାମଲାରେ &nbsp;ସମ୍ପୃକ୍ତ ଥିବା ବେଳେ ସେହିପରି ଅମର ମହାରାଷ୍ଟ୍ରର ଓମକାର ସୋଲାଙ୍କି&nbsp; ହତ୍ୟାକାଣ୍ଡରେ ସମ୍ପୃକ୍ତ ଥିବା ପୁରୀ ସଦର ଥାନା ଏସଡିପିଓ କହିଛନ୍ତି।</p>