ବଲାଙ୍ଗିର: ବଲାଙ୍ଗିର ଜିଲ୍ଲା ଏନ୍.ଏଚ୍-୨୬ର ଲୋଇସିଂହା କଲେଜ ଛକଠାରେ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ଏକ ଅଜଣା ଗାଡ଼ି ଧକ୍କାରେ ଦୁଇ ବାଇକ୍ ଆରୋହୀଙ୍କ ମୃତ୍ୟୁ ହୋଇଛି। ମୃତକ ହେଲେ କୁଶମେଲ ଗାଁର ଗୋପିନାଥ ବଣିଆ ଓ ଦୁର୍ଯ୍ୟୋଧନ ନାଏକ। ସେମାନଙ୍କୁ ଗୁରୁତର ଅବସ୍ଥାରେ ସ୍ଥାନୀୟ ଲୋକେ ଡାକ୍ତରଖାନା ଆଣିବା ସମୟରେ ଉଭୟଙ୍କର ମୃତ୍ୟୁ ଘଟିଥିଲା। ଲୋଇସିଂହା ପୋଲିସ ଶବକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛି। ପୋଲିସ ଏହି ଘଟଣାର ଅନୁସନ୍ଧାନ କରୁଛି।
ସୂଚନାଯୋଗ୍ୟ, ଏହି ଦୁଇ ବାଇକ୍ ଆରୋହୀ ଗତକାଲି ରାତିରେ ଦିଗଶିରା ଗାଁରୁ ଫେରୁଥିବା ସମୟରେ ଏକ ଅଜଣା ଗାଡ଼ି ଧକ୍କା ଦେଇଥିଲା। ତେବେ ଧକ୍କା ଦେଇଥିବା ଗାଡ଼ିଟି ଦୁର୍ଘଟଣା ଘଟାଇ ଫେରାର ହୋଇଯାଇଥିଲା।