ସୁପର ସ୍ପେସିଆଲିଟି ହସ୍ପିଟାଲ ହେବ ଆଇଜିଏଚ୍‌: ଚାଲିଛି କାମ

<p>ରାଉରକେଲା(ପୱନ ତିୱାରୀ): ଆଇଜିଏଚ୍&zwnj;କୁ ସୁପର&nbsp;ସ୍ପେସିଆଲିଟି ହସ୍ପିଟାଲ କରିବା ପାଇଁ ପ୍ରଧାନମନ୍ତ୍ରୀଙ୍କୁ ଘୋଷଣା ପରେ କାମ ଆରମ୍ଭ ହୋଇଯାଇଛି। ଗତକାଲି ରାଉରକେଲା ଗସ୍ତ ଅବସରରେ ଏହି ସୂଚନା ଦେଇଛନ୍ତି କେନ୍ଦ୍ର ଇସ୍ପାତ ମନ୍ତ୍ରୀ ଚୌଧୁରୀ ବିରେନ୍ଦ୍ର ସିଂ। ଏହି ଅବସରରେ ସେ ବର୍ଣ୍ଣ ଓ ପ୍ଲାଷ୍ଟିକ ସର୍ଜରୀ ବିଭାଗର ସୁପର ସ୍ପେସିଆଲିଟି ବ୍ଲକର ଶିଳାନ୍ୟାସ କରିଥିଲେ। ଏହାର ନିର୍ମାଣ ପାଇଁ ପ୍ରାୟ ୧୦ କୋଟି ଟଙ୍କା ବ୍ୟୟ ବରାଦ କରାଯାଇଥିବା ଜଣାପଡ଼ିଛି।</p> <p>ତେବେ ଆଇଜିଏଚ୍&zwnj;ରେ ବର୍ତ୍ତମାନ ଡାକ୍ତର ଏବଂ ସ୍ପେସାଲିଷ୍ଟ ଡାକ୍ତରଙ୍କ ସଂଖ୍ୟା କମ୍&zwnj; ଥିବା କେନ୍ଦ୍ରମନ୍ତ୍ରୀ ସ୍ୱୀକାର କରିଛନ୍ତି।</p> <p>ଗସ୍ତ ସମୟରେ ମନ୍ତ୍ରୀ ଚୌଧୁରୀ ବିରେନ୍ଦ୍ର ସିଂ ଆରଏସପି ପ୍ଲାଣ୍ଟ ମଧ୍ୟ ବୁଲି ଦେଖିଥିଲେ। ବର୍ତ୍ତମାନ ଆରଏସ୍&zwnj;ପିର ଉତ୍ପାଦନରେ ବୃଦ୍ଧି ହୋଇଥିବା ସେ କହିଛନ୍ତି। ସମଗ୍ର ବିଶ୍ୱରେ ଷ୍ଟିଲ ଉତ୍ପାଦନରେ ଏବେ ଭାରତ ଆଗୁଆ ରହିଛି। ଆଗାମୀ ଦିନରେ ସମଗ୍ର ଦେଶରେ ଓଡ଼ିଶା ଷ୍ଟିଲ ଉତ୍ପାଦନରେ ଏକ ନମ୍ବର ହେବ ବୋଲି ସେ ଆଶା ପ୍ରକାଶ କରିଛନ୍ତି।</p>