‘ଗ୍ରାମାଞ୍ଚଳ ଅପେକ୍ଷା ସହରାଞ୍ଚଳରେ ସଂକ୍ରମିତ ହାର ଅଧିକ’

କଟକ(ଓଡ଼ିଶା ରିପୋର୍ଟର): କଟକ ଜିଲ୍ଲାର ଗ୍ରାମାଞ୍ଚଳ ଅପେକ୍ଷା ସହରାଞ୍ଚଳରେ ସଂକ୍ରମିତ ହାର ଅଧିକ ରହିଛି। ଗ୍ରାମାଞ୍ଚଳରେ ୪୬.୯% ସଂକ୍ରମିତ ହୋଇଥିବା ବେଳେ ସହରାଞ୍ଚଳରେ ସଂକ୍ରମିତଙ୍କ ହାର ୫୩.୧% ରହିଛି। ଏ ପର୍ଯ୍ୟନ୍ତ ୨୯୧୦ ପଜିଟିଭ ମଧ୍ୟରୁ ଗ୍ରାମାଞ୍ଚଳରେ ୧୩୬୪ ଜଣ ଓ ସହରାଞ୍ଚଳରେ ୧୫୪୬ ଜଣ ବୋଲି ଜିଲ୍ଲାପାଳ ଭବାନୀ ଶଙ୍କର ଚଇନୀ କହିଛନ୍ତି।

ସେ ଆହୁରି କହିଛନ୍ତି-“ଜିଲ୍ଲାରେ ସୁସ୍ଥତା ହାର ୬୬.୦୩% ଥିବା ବେଳେ ମୃତ୍ୟୁ ହାର ୦.୦୧% ରହିଛି। ତେବେ ବଡ଼ମ୍ବା ନରସିଂହପୁର ଓ ଆଠଗଡ଼ର ଗ୍ରାମାଞ୍ଚଳରେ ସଂକ୍ରମଣ ଅଧିକ ରହିଛି। କଟକ ସହରର ମାଲଗୋଦାମ ଅଞ୍ଚଳରେ ସଂକ୍ରମଣ ଅଧିକ ରହିଛି। ତେବେ ଜୀବନ ସହ ଜୀବିକାକୁ ଦେଖିବାକୁ ପଡ଼ୁଥିବାରୁ ସମସ୍ୟା ରହୁଛି।”

ଅନ୍ୟପକ୍ଷରେ କଟକ ମହାନଗର ନିଗମ (ସିଏମ୍‌ସି)ରେ କରୋନା ମୁକାବିଲା ନେଇ କମିଶନର ଅନନ୍ୟା ଦାସ କହିଛନ୍ତି ଯେ, ସହରରେ ଟେଷ୍ଟିଂ ସଂଖ୍ୟା ଅଧିକରୁ ଅଧିକ ବଢାଯାଉଛି। ଆଗକୁ PHC ମାନଙ୍କରେ କୋଭିଡ୍‌ ଟେଷ୍ଟର ବ୍ୟବସ୍ଥା କରାଯିବ। ତେବେ କରୋନାକୁ ଦୂରେଇବାକୁ ହେଲେ କୋଭିଡ୍‌ ଗାଇଡ୍‌ ଲାଇନ୍‌ ମାନିବାକୁ ହେବ ବୋଲି ସେ କହିଛନ୍ତି।

ଆହୁରି ପଢ଼ନ୍ତୁ