ସାମ୍ବାଦିକ ସମ୍ମିଳନୀରେ କାନ୍ଦିଲେ ଉଷସୀ, ସୌମ୍ୟଙ୍କୁ ପଚାରିଲେ ପ୍ରଶ୍ନ

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ତିନି ଦିନ ତଳେ ଅନୁଗୋଳ ଜିଲ୍ଲା କଣିହାଁ ଥାନା ଅନ୍ତର୍ଗତ ଡେରଙ୍ଗରେ ଏକ ଯାତ୍ରାରେ ଅଭିନୟ କରିବା ପାଇଁ ଯାଇଥିବା ଅଭିନେତ୍ରୀ ଉଷସୀ ମିଶ୍ରଙ୍କ ସହିତ ଅସଦାଚରଣ ହୋଇଥିଲା। ତାଙ୍କୁ ମାଡ଼ ମଧ୍ୟ ମରାଯାଇଥିଲା। ଆଜି ଏ ଘଟଣାକୁ ନେଇ ଭୁବନେଶ୍ୱରରେ &lsquo;ଓଡ଼ିଶା ସିନେ ଆର୍ଟିଷ୍ଟ ଆସୋସିଏସନ୍&zwnj;&rsquo; ତରଫରୁ ଏକ ସାମ୍ବାଦିକ ସମ୍ମିଳନୀ କରାଯାଇଥିଲା। ଏଥିରେ ଉଷସୀ ଉପସ୍ଥିତ ରହି ସେଦିନର ଘଟଣା ବର୍ଣ୍ଣନା କରିଥିଲେ।</p> <p>ସେ କହିଥିଲେ- &ldquo;ଘଟଣା ଦିନ ରାସ୍ତା ଜାମ୍ ଥିଲା। ଜାମ୍&zwnj;ରେ ମୋ କାର୍ ଫସି ଯାଇଥିଲା। କାର୍ ହଟାଇବାକୁ ଆମକୁ କିଛି ଲୋକ ଗାଳିଗୁଲଜ କରିଥିଲେ। ଇନ୍ଦ୍ରମଣି ନାମକ ଲୋକଟି ଗାଳି ଦେଇଥିଲା। ମୁଁ ତାକୁ ଚାପୁଡ଼ା ମାରିଥିଲି। ସେ ବି ମୋତେ ମାରିଲା। ପରେ ମୋ ଗୋଡ଼ ଧରି ଭୁଲ୍ ମାଗି ପଳାଇଲା। କିଛି ସମୟ ପରେ ଆମ ଯାତ୍ରା ପେଣ୍ଡାଲକୁ ଆସି ହଙ୍ଗାମା କଲା। ଇନ୍ଦ୍ରମଣି ଓ ତା ଦୁଇ ପୁଅ ମୋତେ ପିଟିଲେ ଏବଂ ଦୁର୍ବ୍ୟବହାର କଲେ।&rdquo;</p> <p>ଘଟଣା ବର୍ଣ୍ଣନା କଲାବେଳେ ଉଷସୀ କୋହ ସମ୍ବରଣ କରିପାରି ନଥିଲେ ଓ କାନ୍ଦି ପକାଇଥିଲେ। ସେ କହିଥିଲେ ଯେ, ଘଟଣାକୁ ୩ ଦିନ ହୋଇଗଲାଣି, କିନ୍ତୁ ଏଯାଏ କେହି ଗିରଫ ହୋଇନାହାନ୍ତି।</p> <p>ଏହା ସହିତ ସେ ଯାତ୍ରା ପାର୍ଟି ମାଲିକ ସୌମ୍ୟରଂଜନ ପଟ୍ଟନାୟକଙ୍କୁ ବି ପ୍ରଶ୍ନ କରିଛନ୍ତି। କାରଣ ସେଦିନ ସେ ଯେଉଁ ଯାତ୍ରା ପାର୍ଟିରେ ଅଭିନୟ କରିବାକୁ ଯାଇଥିଲେ ତାହା ସୌମ୍ୟରଂଜନଙ୍କ ମାଲିକାନାରେ ରହିଛି। ତାଙ୍କ ପାଇଁ କାହିଁକି ସୁରକ୍ଷା ବ୍ୟବସ୍ଥା କରା ଗଲାନି ବୋଲି ଉଷସୀ ସୌମ୍ୟଙ୍କୁ ପ୍ରଶ୍ନ କରିଛନ୍ତି।</p> <p>ସାମ୍ବାଦିକ ସମ୍ମିଳନୀରେ ଉଷସୀ କ&rsquo;ଣ କହିଛନ୍ତି ଶୁଣନ୍ତୁ-</p> <p>ଏହି ସାମ୍ବାଦିକ ସମ୍ମିଳନୀରେ ଅଭିନେତା ବିଜୟ ମହାନ୍ତି, ଅଭିନେତ୍ରୀ ଅପରାଜିତା ମହାନ୍ତି, ଅଭିନେତା ଓ ସାଂସଦ ସିଦ୍ଧାନ୍ତ ମହାପାତ୍ର, ମୁନା ଖାଁ ଓ ଶ୍ରୀତମ ଦାସ ପ୍ରମୁଖ ଉପସ୍ଥିତ ଥିଲେ।</p>