କୃଷ୍ଣପ୍ରସାଦ(ନୀଳକଣ୍ଠ ପ୍ରଧାନ): ଚିଲିକା ମଝିରେ ଅଟକିଲା ଡଙ୍ଗା । ପୁରୀ ଜିଲ୍ଲା କୃଷ୍ଣପ୍ରସାଦର ଜହ୍ନିକୁଦାରୁ ସାତପଡ଼ା ଯିବାବେଳେ ମହିଷା ନିକଟରେ ଅଟକିଛି ଡଙ୍ଗା । ଏହି ଡଙ୍ଗାରେ ୩୦ରୁ ଅଧିକ ଛାତ୍ରଙ୍କ ସମେତ ୫୦ରୁ ଊର୍ଦ୍ଧ୍ୱ ଯାତ୍ରୀ ଥିବା ସୂଚନା ମିଳିଛି।
ଡଙ୍ଗାରେ କିଛି କଲେଜ ଛାତ୍ର ଫସିଥିବା ବେଳେ ସେମାନେ +୨ ପରୀକ୍ଷା ଦେବାକୁ ଚିଲିକାରେ ସାତପଡା ଯାଉଥିବା ଜଣାଯାଇଛି। ଯାନ୍ତ୍ରିକ ତ୍ରୁଟି ଯୋଗୁଁ ଡଙ୍ଗାଟି ଅଟକି ରହିଥିବା ସୂଚନା ମିଳିଛି। ଡଙ୍ଗାରେ ଥିବା ଯୁକ୍ତ ଦୁଇ ଛାତ୍ରଙ୍କ ସମେତ ଅନ୍ୟ ଯାତ୍ରୀଙ୍କୁ ଉଦ୍ଧାର ପାଇଁ ଉଦ୍ୟମ ଆରମ୍ଭ ହୋଇଛି ।