ଧର୍ମେନ୍ଦ୍ର ପ୍ରଧାନ ଓ ପୁଲିସ କଥାକଟାକଟି, ଭାଇରାଲ୍‌ ହେଲା ଭିଡିଓ

<p>ଭୁବନେଶ୍ୱର(ଓଡ଼ିଶା ରିପୋର୍ଟର): ଜଣେ ପୁଲିସ ଅଧିକାରୀଙ୍କ ସହ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ କଥା କଟାକଟି ହୋଇଛି। ଧର୍ମେନ୍ଦ୍ର ପ୍ରଧାନଙ୍କ ହେଲିକପ୍ଟର ଗତକାଲି ବୁର୍ଲାସ୍ଥିତ MCL ହେଲିପ୍ୟାଡ୍&zwnj;ରେ ଅବତରଣ କରିଥିଲା। ଏହି ସମୟରେ କିଛି ପୁଲିସ ଅଧିକାରୀ ତାଙ୍କ ହେଲିକପ୍ଟରକୁ ଯାଞ୍ଚ କରିବାକୁ ଚାହିଁଥିଲେ। ଏହାକୁ ନେଇ ଧର୍ମେନ୍ଦ୍ର ଓ ପୁଲିସ ଅଧିକାରୀଙ୍କ ମଧ୍ୟରେ ଜୋରଦାର କଥା କଟାକଟି ହୋଇଥିଲା। ଏହି ସମୟର ଭିଡିଓ ଭାଇରାଲ ହୋଇଛି।</p> <p>ଏନେଇ ହୀରାକୁଦ ଏସ୍&zwnj;ଡିପିଓ ଶିଶୁ ରଞ୍ଜନ ମହାପାତ୍ର କହିଛନ୍ତି-&ldquo;ନିର୍ବାଚନ କମିଶନଙ୍କ ଗାଇଡ୍&zwnj;ଲାଇନ୍&zwnj; ଅନୁସାରେ ଗଠନ କରାଯାଇଥିବା ଟିମ୍&zwnj; ରୁଟିନ୍&zwnj; ଚେକ୍&zwnj;ଅପ୍&zwnj; ପାଇଁ ଧର୍ମେନ୍ଦ୍ର ପ୍ରଧାନଙ୍କୁ କହିଥିଲେ। ମାତ୍ର ସେ ସହଯୋଗ କରିନଥିଲେ। ବରଂ ପ୍ରତିକ୍ରିୟାଶୀଳ ହୋଇପଡ଼ିଥିଲେ। ଆମେ ଯାହାବି କରୁଛୁ, ନିର୍ବାଚନ କମିଶନଙ୍କ ଗାଇଡ୍&zwnj;ଲାଇନ୍&zwnj; ଅନୁସାରେ କରୁଛୁ।&rdquo;</p> <p>ମାତ୍ର ଏନେଇ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ପ୍ରତିକ୍ରିୟା ମିଳିପାରି ନାହିଁ। </p>