ସୋସିଆଲ ମିଡିଆର କଳା କାହାଣୀ: ୭ ଦିନିରେ ୩ ଭିଡିଓ ଭାଇରାଲ

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ଦୂର ସମ୍ପର୍କୀୟଙ୍କ ସହ ଯୋଗାଯୋଗରେ ରହିବାକୁ ସୋସିଆଲ ମିଡିଆ ଏବେ ଏକ ମୁଖ୍ୟ ମାଧ୍ୟମ ସାଜିଛି। ହେଲେ କିଛି ଅସାମାଜିକ ଲୋକଙ୍କ ପାଇଁ ସୋସିଆଲ ମିଡିଆକୁ ନିନ୍ଦିତ ହେବାକୁ ପଡୁଛି। ଖାସ କରି ଓଡ଼ିଶାରେ ଗତ ୭ଦିନ ହେବ ସୋସିଆଲ ମିଡିଆର ଆତଙ୍କ ଜାରି ରହିଛି। ଏହି ୭ଦିନ ମଧ୍ୟରେ ଗୋଟିଏ ପରେ ଗୋଟିଏ ୩ଟି ଭାଇରାଲ ଭିଡିଓ ଆସି ସୋସିଆଲ ମିଡିଆର କଳା କାହାଣୀକୁ ପଦାରେ ପକାଇଛି। ଯାହା ରାଜ୍ୟ ପୋଲିସ୍&zwnj; ପାଇଁ ମୁଣ୍ଡ ବିନ୍ଧାର କାରଣ ପାଲଟିଛି।</p> <p>ଭାଇରାଲ୍ ଭିଡିଓର ବ୍ୟାଧି ମୋବାଇଲ୍&zwnj;ରୁ ମୋବାଇଲ୍ ଡେଉଁଛି। ଯୁବତୀ ଓ ମହିଳାଙ୍କ ଇଜ୍ଜତ ମୟୂରଭଞ୍ଜରୁ କେନ୍ଦୁଝର ସବୁଠି ନିଲାମ ହେଉଛି। ୭ ଦିନ ଭିତରେ ସାମ୍ନାକୁ ଆସିଲାଣି ତିନି ତିନିଟି ଅଶ୍ଳୀଳ ଭିଡିଓ ଓ ଫଟୋ। ଯାହା ସୂଚାଇ ଦେଉଛି ସାମାଜିକ ଅଧୋପତନର ଚିତ୍ର। ସଦ୍ୟ ଅଭିଯୋଗ ଆସିଛି ବାରିପଦାରୁ। ସହର ଉପକଣ୍ଠ ଏକ ଘରୋଇ କଲେଜର ଜଣେ ଯୁକ୍ତ ତିନି ଛାତ୍ରୀଙ୍କ ଏକ ଅଶ୍ଳୀଳ ଓ ଅନ୍ତରଙ୍ଗ ଫଟୋକୁ ଭାଇରାଲ କରିଛି ସହପାଠୀ ପ୍ରେମିକ। ଛାତ୍ରୀଙ୍କ ବାପାଙ୍କ ଏତଲା ଆଧାରରେ ବାଇଗଣବାଡ଼ଇା ଅଞ୍ଚଳର ଅଭିଯୁକ୍ତ ପ୍ରେମିକ ଶମ୍ଭୁ ଘୋଷକୁ ଗିରଫ କରିଛି ପୋଲିସ୍।</p> <p>ଦୁଇଦିନ ତଳେ ବି ସେହି ବାରିପଦାରୁ ଭାଇରାଲ ହୋଇଥିଲା ଆଉ ଜଣେ ନାବାଳିକା ସ୍କୁଲ ଛାତ୍ରୀଙ୍କ ଅଶ୍ଳୀଳ ଭିଡିଓ। ଏକ ପାର୍କରେ ନାବାଳିକାଙ୍କୁ ଅସଦାଚରଣ ସହ ତାଙ୍କର ଆପତ୍ତିଜନକ ଭିଡିଓ ସୁଟିଂ କରି ସୋସିଆଲ ମିଡିଆରେ ଛାଡି ଦେଇଥିଲେ ତିନି ଅସାମାଜିକ ଯୁବକ। ଗତକାଲି ଜ୍ୟୋତିପୁର ଅଞ୍ଚଳରୁ ସେମାନଙ୍କୁ ଗିରଫ କରିଛି ପୋଲିସ।</p> <p>ଠିକ୍ ସେମିତି ଆଉ ଏକ ଲଜ୍ୟାଜନକ ଭିଡିଓ ଭାଇରାଲ ହୋଇଛି କେନ୍ଦୁଝରରୁ। କୌଣସି ଏକ ପର୍ଯ୍ୟଟନସ୍ଥଳୀରେ ଜଣେ ମହିଳାଙ୍କୁ କିଛି ଯୁବକ ଅସଦାଚରଣ କରି ତାଙ୍କର ଅଶ୍ଳୀଳ ଭିଡିଓ ଭାଇରାଲ କରିଛନ୍ତି। ଟାଉନ୍ ଥାନା ପୋଲିସ ନିଜ ଆଡୁ ମାମଲା ରୁଜୁ କରି ତଦନ୍ତ କରୁଛି।</p> <p>ଏବେ ପ୍ରଶ୍ନ ଉଠୁଛି, କାହିଁକି ସୋସିଆଲ୍ ମିଡିଆରେ ନିଲାମ ହେଉଛି ଯୁବତୀ ଓ ମହିଳାଙ୍କ ଇଜ୍ଜତ। ପ୍ରେମ ଶାଶ୍ୱତ, ପବିତ୍ର ନ ହୋଇ ଶାରୀରିକ ସଂପର୍କରେ ସୀମିତ ରହୁଛି ନା ଏସବୁ ଅସମାଜିକଙ୍କ ବ୍ଲାକ୍&zwnj;ମେଲିଂ ବୋଲି ପ୍ରଶ୍ନ ଉଠାଚନ୍ତି ସାମାଜିକ କର୍ମୀ କହିଛନ୍ତି। ଅଭିଯୁକ୍ତଙ୍କ ବିରୋଧରେ ଦୃଷ୍ଟାନ୍ତମୂଳକ କାର୍ଯ୍ୟାନୁଷ୍ଠାନ ସାଙ୍ଗକୁ ଏଭଳି ମାମଲାର ଶୀଘ୍ର ସମାଧାନ ହେଲେ ଏପରି ସମସ୍ୟା ଉପରେ ଅଙ୍କୁଶ ଲଗାଯାଇପାରିବ ବୋଲି ମତ ପ୍ରକାଶ ପାଉଛି।</p>