ଓଡ଼ିଶା ରାସ୍ତା ଉପରେ ପଶ୍ଚିମବଙ୍ଗର ଦାଦାଗିରି

<p>ବାଲେଶ୍ୱର (ଓଡ଼ିଶା ରିପୋର୍ଟର): ଓଡ଼ିଶା ସୀମାରେ ପଶ୍ଚିମବଙ୍ଗ ସରକାରଙ୍କ ଦାଦାଗିରି କିଛି ନୂଆ କଥା ନୁହେଁ। ଏପରି ଅଭିଯୋଗ ବହୁ ସମୟରେ ଆସିଥାଏ। ଖାସ୍&zwnj;କରି ସୀମାନ୍ତ ବାଲେଶ୍ୱରର ବିଭିନ୍ନ ଅଞ୍ଚଳରେ ପଶ୍ଚିମବଙ୍ଗ ସରକାରଙ୍କ ହସ୍ତକ୍ଷେପ ଦେଖିବାକୁ ମିଳିଥାଏ। ଏମିତି ଏକ ଅଭିଯୋଗ ପୁଣି ଆସିଛି ଭୋଗରାଇ ବ୍ଲକ୍&zwnj; ଅଞ୍ଚଳରୁ। ଏଠାରେ ପଶ୍ଚିମବଙ୍ଗ ସରକାର ଫାଟକ ତିଆରି କରିଛନ୍ତି। ଯାହାକୁ ନେଇ ଅଞ୍ଚଳବାସୀଙ୍କ ମଧ୍ୟରେ ଅସନ୍ତୋଷ ବଢ଼ିବାରେ ଲାଗିଛି।</p> <p>ସୂଚନାଯୋଗ୍ୟ, ଭୋଗରାଇ ବ୍ଲକ୍&zwnj;ର ସାହାବାଜିପୁର ସୀମାରୁ ଉଦୟପୁର ବେଳାଭୂମି ପର୍ଯ୍ୟନ୍ତ ରାସ୍ତା ନିର୍ମାଣ କରାଯାଇଛି। ଉକ୍ତ ରାସ୍ତାରେ ପଶ୍ଚିମବଙ୍ଗ ସରକାର ଏକ ଫାଟକ ତିଆରି କରିଛନ୍ତି। ଏଥିରେ &lsquo;ଦୀଘା ସି-ବିଚ୍&rsquo; ଲେଖା ଫଳକ ଲଗାଯାଇଛି। ଉକ୍ତ ଫାଟକ ଓଡ଼ିଶାର ରାସ୍ତା ଉପରକୁ ୧୦ ଫୁଟ୍ ମଡ଼ାଯାଇ କରାଯାଇଛି।</p> <p>୭ ଦିନ ମଧ୍ୟରେ ସମସ୍ୟାର ସମାଧାନ ନହେଲେ ଫଳକ ଭାଙ୍ଗି ଦିଆଯିବ ବୋଲି ସ୍ଥାନୀୟ ସରପଞ୍ଚ ତପନ ପଣ୍ଡା କହିଛନ୍ତି।</p> <p>ଅତିରିକ୍ତ ଜିଲ୍ଲାପାଳ ମାନସ ପାଢ଼ୀ କହିଛନ୍ତି- &ldquo;ଏନେଇ ପଶ୍ଚିମବଙ୍ଗ ସରକାର ଓ ସ୍ଥାନୀୟ ମାଜିଷ୍ଟ୍ରେଟ୍&zwnj;ଙ୍କୁ ଚିଠି ଲେଖି ଜଣାଇବା ସହ ବିହିତ ପଦକ୍ଷେପ ଗ୍ରହଣ କରିବୁ।&rdquo;</p> <p>ସ୍ଥାନୀୟ ବିଧାୟକ ଅନନ୍ତ ଦାସ କହିଛନ୍ତି, &ldquo;ଏହା ଜାଣିବା ପରେ ଗୃହ ସଚିବ, ଜିଲ୍ଲାପାଳ, ଏସ୍&zwnj;ପି ଏବଂ ଡିଆଇଜିଙ୍କୁ ଜଣାଇଥିଲି। ଅତିରିକ୍ତ ଜିଲ୍ଲାପାଳ ଏବଂ ଏସ୍&zwnj;ଡିପିଓ ଘଟଣା ସ୍ଥଳକୁ ଯାଇ ଯାଞ୍ଚ କରିଛନ୍ତି। ଫଳକ ଲଗାଯାଇଥିବା ସ୍ଥାନ ଓଡ଼ିଶାର। ଏହାକୁ ବରଦାସ୍ତ କରାଯିବ ନାହିଁ।&rdquo;</p>