ବାଲେଶ୍ୱର (ରଞ୍ଜିତ ପାକଳ): ବେଦୀରେ ହାତଗଣ୍ଠି ପଡ଼ିଲା ବେଳେ ଭଲ ପାଇବାର ରାଣ ଖାଇଥିଲେ। ଜୀବନର ଯେତେ ବାଧା ବିଘ୍ନ ଆସିଲେ ମଧ୍ୟ କେହି କାହାର ହାତ ଛାଡ଼ିବେନି ବୋଲି ପଣ କରିଥିଲେ। ଆଉ ସାତଜନମର ସାଥୀ ହୋଇ ଚାଲିବା ପାଇଁ ପ୍ରତିଜ୍ଞା ନେଇଥିଲେ। ହେଲେ ହୋମ ନିଆଁକୁ ସାକ୍ଷୀ ରଖି ଏମିତି ପରସ୍ପରକୁ କଥା ଦେଉଥିବା ସବୁ ସ୍ୱାମୀ-ସ୍ତ୍ରୀ ସତରେ କଣ ଏକାଠି ଆରପାରିକୁ ଯାଇପାରନ୍ତି? କଥାଟି ଶୁଣିବାକୁ ଯେତେ ଦୁଃଖଦ ଓ କରୁଣ ଲାଗୁଥିଲେ ମଧ୍ୟ ଏମିତି ଏକ ଘଟଣା ଘଟିଛି ବାଲେଶ୍ୱରରେ। ସ୍ୱାମୀଙ୍କ ମୃତ୍ୟୁର କେଇ କ୍ଷଣ ମଧ୍ୟ ଚାଲି ଯାଇଛି ସ୍ତ୍ରୀର ଜୀବନ। ଆଉ ଦୁହିଁଙ୍କୁ ଚିତା ଏକ ସଙ୍ଗେ ଗାଁ ଶ୍ମଶାନରେ ଜଳିଛି।
ଗତକାଲି ରାତିରେ କୁରୁଡ଼ା ପଞ୍ଚାୟତ ବଣପାରିଆ ଗାଁର ସୁରେନ୍ଦ୍ର ମଳିକ ଖାଇ ପିଇ ଘରେ ଶୋଇଥିଲେ। କିନ୍ତୁ ଆଜି ସକାଳେ ସେ ଉଠିନଥିଲେ। ପରିବାର ଲୋକେ ତାଙ୍କୁ ଯେତେ ଡାକିଥିଲେ ମଧ୍ୟ ସେ ଉଠିଥିଲେ। ପରେ ଜଣାପଡ଼ିଲା ସୁରେନ୍ଦ୍ର ଆଉ ନାହାନ୍ତି। ଏହି ଖବର ପ୍ରକାଶ ପାଇବା ପରେ ଗାଁରେ ଶୋକର ଛାୟା ଖେଳି ଯାଇଥିଲା। ଅନ୍ୟପକ୍ଷରେ ନିଜର ଜୀବନ ସାଥୀକୁ ହରାଇଥିବାରୁ ମୃତ ସୁରେନ୍ଦ୍ରଙ୍କ ପତ୍ନୀ ସରସ୍ୱତୀ ସମ୍ପୂର୍ଣ୍ଣ ଭାଙ୍ଗି ପଡ଼ିଥିଲେ।
ହୃଦଘାତରେ ସରସ୍ୱତୀଙ୍କ ବିୟୋଗ ହୋଇଥିବା ଜଣାପଡ଼ିଛି। ତାଙ୍କ ବିୟୋଗରେ ଗାଁରେ ଶୋକର ଛାୟା ଖେଳି ଯାଇଛି।
ସୁରେନ୍ଦ୍ରଙ୍କର ତିନୋଟି ପୁଅ, ଗୋଟିଏ ଝିଅ। ସମସ୍ତେ ବିବାହିତା। ବଡ଼ ପୁଅ ଖଡ଼କପୁରରେ ରେଲୱେରେ ଚାକିରି କରୁଛନ୍ତି। ଅନ୍ୟ ଦୁଇ ପୁଅ ବାପାଙ୍କ ପାଖରେ ରହୁଥିଲେ।