ପୋଲ ତଳେ ପିଲା ଜନ୍ମ

ବାରିପଦା (ମାଣିକଲାଲ ପାଣି): କଲଭର୍ଟ ଭିତରେ ମହିଳାଙ୍କ ସନ୍ତାନ ପ୍ରସବ। ଏଭଳି ଏକ ଅଭାବନୀୟ ଘଟଣା ଘଟିଛି ମୟୁରଭଞ୍ଜ ଜିଲ୍ଲାର ଶୁକୃଳି ବ୍ଲକ ଅଞ୍ଚଳରେ। ଏଠାକାର ଜଣେ ଆଦିବାସୀ ମହିଳାଙ୍କ ଘରକୁ ୬ ମାସ ତଳେ ହାତୀ ପଲ ଭାଙ୍ଗି ଦେଇଥିଲେ। ତେବେ ଏତେ ଦିନ ବିତିଯାଇଥିଲେ ମଧ୍ୟ ନୂଆ ଘର ପାଇଁ ପ୍ରଶାସନରୁ କୌଣସି ସହାୟତା ମିଳି ନ ଥିଲା। ଫଳରେ ନିକଟରେ ଥିବା ଏକ କଲଭର୍ଟ ତଳେ ଆଶ୍ରୟ ନେଇଥିଲେ ଗର୍ଭବତୀ ମହିଳା ଜଣଙ୍କ। ଆଉ କିଛି ଦିନ ତଳେ ସେଇଠାରେ ହିଁ କନ୍ୟା ସନ୍ତାନ ପ୍ରସବ କରିଥିଲେ।

ଏହି ଅଭାବନୀୟ ଘଟଣା ସାମ୍ନାକୁ ଆସିବା ପରେ ଉଦ୍‌ବେଗ ପ୍ରକାଶ ପାଇଛି। କିଭଳି ଭାବେ ମହିଳା ଜଣଙ୍କୁ ସହାୟତା ମିଳିଲାନାହିଁ, ଗାଁରେ ଆଶାକର୍ମୀ ଥାଇ କାହିଁକି କଲଭର୍ଟ ଭିତରେ ତାଙ୍କୁ ପ୍ରସବ କରିବାକୁ ପଡ଼ିଲା ସେନେଇ ପ୍ରଶାସନ ପକ୍ଷରୁ ତଦନ୍ତ ଆରମ୍ଭ ହୋଇଛି।  ଅନ୍ୟପକ୍ଷରେ ମହିଳାଙ୍କୁ ଘର ଯୋଗାଇବା ଲାଗି ନିର୍ଦ୍ଦେଶ ଦିଆଯାଇଥିବା ମୟୂରଭଞ୍ଜର ଅତିରିକ୍ତ ଗଙ୍ଗାଧର ନାୟକ ଜିଲ୍ଲାପାଳ କହିଛନ୍ତି।