ବଲାଙ୍ଗିର(ଘଟେଶ୍ୱର ମିଶ୍ର): ବଲାଙ୍ଗିର ରେଲୱେ ଷ୍ଟେସନ୍ ନିକଟରେ ଜଣେ ଯୁବକକଙ୍କୁ କିଛି ଦୁର୍ବୃତ୍ତ ସଂଘବନ୍ଧ ଭାବେ ଆକ୍ରମଣ କରିଛନ୍ତି। ଉକ୍ତ ଯୁବକଙ୍କ ନାଁ ପିଣ୍ଟୁ ପରୁଆ। ତାଙ୍କ ଘର ମାଳପଡ଼ାରେ।
ପିଣ୍ଟୁଙ୍କ ଗୋଡ଼ ଓ ମୁଣ୍ଡରେ ଗଭୀର ଆଘାତ ଲାଗିଛି। ତାଙ୍କୁ ଗୁରୁତର ଅବସ୍ଥାରେ ବଲାଙ୍ଗିରର ଭୀମଭୋଇ ମେଡିକାଲ କଲେଜ ଓ ହସ୍ପିଟାଲ୍ରେ ଭର୍ତ୍ତି କରାଯାଇଛି।
ଗତକାଲି ସଂଧ୍ୟାରେ ପିଣ୍ଟୁ ରେଲୱେ ଷ୍ଟେସନ୍ ନିକଟରେ ରାସ୍ତା କଡ଼ରେ ଛିଡ଼ା ହୋଇଥିବା ବେଳେ କିଛି ଯୁବକ ତାଙ୍କୁ ଆକ୍ରମଣ କରିଥିଲେ। ରାଜନୈତିକ କାରଣରୁ ତାଙ୍କୁ ଆକ୍ରମଣ କରାଯାଇଥିବା କୁହାଯାଉଛି। ତେବେ ଆକ୍ରମଣର ସଠିକ୍ କାରଣ ଜଣାପଡ଼ି ନାହିଁ। ବଲାଙ୍ଗିର ପୁଲିସ୍ ଘଟଣାର ତଦନ୍ତ କରୁଛି।