ବଲାଙ୍ଗିର(ଘଟେଶ୍ୱର ମିଶ୍ର): ପୁଅର ଚିକିତ୍ସା ପାଇଁ ଲକ୍ଷ୍ନୌ ଯାଇଥିବା ବେଳେ ହୃଦଘାତରେ ଜଣେ ବ୍ୟକ୍ତିଙ୍କର ମୃତ୍ୟୁ ଘଟିଛି। ମୃତ ବ୍ୟକ୍ତିଙ୍କ ନାଁ ମନୀଷ ମିଶ୍ର। ମୃତ୍ୟୁ ବେଳକୁ ତାଙ୍କୁ ମାତ୍ର ୪୧ ବର୍ଷ ହୋଇଥିଲା।ମନୀଷଙ୍କ ଘର ବଲାଙ୍ଗିର ସହରର ଠିକାଦାର ପଡ଼ାରେ।
ସୂଚନା ଅନୁଯାୟୀ, ଗତ ୬ ତାରିଖରେ ପୁଅର ସ୍ୱାସ୍ଥ୍ୟ ପରୀକ୍ଷା କରିବା ପାଇଁ ମନୀଷ ପରିବାର ସହିତ ଲକ୍ଷ୍ନୌ ଯାଇଥିଲେ। ୧୨ତାରିଖରେ ସେଠାରେ ଏକ ଲଜରେ ଥିବା ବେଳେ ସେ ହଠାତ୍ ଛାତିରେ ଯନ୍ତ୍ରଣା ଅନୁଭବ କରିଥିଲେ। ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
ତାଙ୍କ ମୃତ୍ୟୁରେ ରାଜ୍ୟ ବିଜେଡି ଉପ-ସଭାପତି ଅନଙ୍ଗ ଉଦୟ ସିଂଦେଓ, ପୂର୍ବତନ ସାଂସଦ କଲିକେଶ ନାରାୟଣ ସିଂଦେଓ ଓ ଯୁବ ବିଜେଡି ନେତା ଅର୍କେଶ ନାରାୟଣ ସିଂଦେଓଙ୍କ ସହିତ ବିଭିନ୍ନ ରାଜନୈତିକ ଦଳର ନେତାମାନେ ଶୋକ ବ୍ୟକ୍ତି କରିଛନ୍ତି।