ଯୁବ ବିଜେଡି ପୁନର୍ଗଠିତ: ୧୦୯ଜଣଙ୍କୁ ଥଇଥାନ, ମିଳିଲାନି ଯୁବ ଚେହେରା 

ଭୁବନେଶ୍ୱର(ଓଡ଼ିଶା ରିପୋର୍ଟର): ରାଜ୍ୟ ଯୁବ ବିଜେଡିର ପୁନର୍ଗଠନ ହୋଇଛି ଓ ପ୍ରଥମଥର ପାଇଁ ରାଜ୍ୟ ଟିମରେ ୧୦୯ଜଣ ଯୁବନେତାଙ୍କୁ ଥଇଥାନ କରାଯାଇଛି। ଦଳ ପକ୍ଷରୁ କାହାରିକୁ ସଭାପତି ଭାବେ ନିଯୁକ୍ତି ମିଳି ନଥିବାବେଳେ ୬ଟି ଜୋନରେ ଜଣେ ଲେଖାଏଁ ସଭାପତିଙ୍କୁ ଅବସ୍ଥାପିତ କରାଯାଇଛି। ଆଉ ଯୁବ ସଭାପତି ବଦଳରେ ଦଳ ନିଜର ଯୁବଚେହେରା ଭାବେ ଘଙ୍ଗାପାଟଣା ଜମି କେଳେଙ୍କରୀ, ଚିଟଫଣ୍ଡ ଦୁର୍ନୀତି, ଡଙ୍କାରୀ ପାହାଡ ଲୁ଼ଟ୍‌,ମନୁଷ୍ୟକୃତ ବନ୍ୟା ଆଦି ଘଟଣାରେ ବିବାଦୀୟ ଧର୍ମଶାଳା ବିଧାୟକ ପ୍ରଣବ ବଳବନ୍ତରାୟଙ୍କୁ ଆଗକୁ ଆଣିଛି। ଉପନିର୍ବାଚନକୁ ଦୃଷ୍ଟିରେ ରଖି ବାଲେଶ୍ୱର ଓ ଜଗତସିଂହପୁର ଜିଲ୍ଲାର ଯୁବ ସଭାପତି ଭାବେ କାହାରି ନାଁ ଘୋଷଣା କରାଯାଇନି।
ବିଜେଡି ପକ୍ଷରୁ ଜାରି ତାଲିକା ଅନୁସାରେ, ଯୁବ ବିଜେଡିର ସଭାପତି ଭାବେ କାହାରିକୁ ନିଯୁକ୍ତି ମିଳିନଥିବାବେଳେ କାର୍ଯ୍ୟକାରୀ ସଭାପତି ଭାବେ ବୈକୁଣ୍ଠ ନାଏକ, ମହାସଚିବ ଭାବେ ଆଲବମ ଅଭିନେତ୍ରୀ ଏଲିନା ଦାଶଓ ୬ଟି ଜୋନ୍ ସଭାପତି ଭାବେ ଭୁବନେଶ୍ୱର-ବିଜୟ କେତନ ସାହୁ, କଟକ-ଶୁଭ୍ରାଂଶୁ ନାରାୟଣ ମିଶ୍ର, ଗଞ୍ଜାମ-ନଚିକେତା ସ୍ୱାଇଁ, ବଲାଙ୍ଗିର-ମନୀନ୍ଦ୍ର ମହାନ୍ତି, ସମ୍ବଲପୁର-ଦେବାଶୀଷ ପରିଡ଼ା ଓ କୋରାପୁଟ ପାଇଁ ତାପସ ତ୍ରିପାଠୀଙ୍କୁ ନିଯୁକ୍ତି ମିଳିଛି। ସେହିପରି ପ୍ରଥମଥର ନିମନ୍ତେ ବରିଷ୍ଠ ଯୁବ ଉପସଭାପତି ଭାବେ ରାଣାପ୍ରତାପ ପାତ୍ର(ପୂର୍ବତନ ଛାତ୍ର ସଭାପତି), ଧୃତିରଞ୍ଜନ ମାର୍ଥା ଓ ଜ୍ୟୋସ୍ନାମୟୀ ପରିଡ଼ାଙ୍କୁ ସାମିଲ କରାଯାଇଛି।

ସେହିପରି ଉପସଭାପତି ଭାବେ ୧୦ଜଣ, ସାଧାରଣ ସମ୍ପାଦକ ଭାବେ ୨୮ଜଣ, ସମ୍ପାଦକ ପଦବୀରେ ୩୫ଜଣ ଓ ଯୁଗ୍ମ ସମ୍ପାଦକ ଭାବେ ୨୫ଜଣଙ୍କୁ ଅବସ୍ଥାପିତ କରାଯାଇଛି। ସେହିପରି ୩୩ଟି ସାଂଗଠନିକ ଜିଲ୍ଲାରେ ସଭାପତି ଭାବେ ନିଯୁକ୍ତି ଦିଆଯାଇଥିବାବେଳେ ବାଲେଶ୍ୱର ଓ ଜଗତସିଂହପୁର ଜିଲ୍ଲାରେ କାହାରିକୁ ସଭାପତି ପଦ ମିଳିନି। ପ୍ରଥମଥର ପାଇଁ ଯୁବ ବିଜେଡି ପକ୍ଷରୁ କଟକକୁ ଦୁଇଟି ସାଂଗଠନିକ ଜିଲ୍ଲାରେ ବିଭକ୍ତ କରି କଟକ ସହରରେ ମନଜିତ୍ ଦାସ ଓ କଟକରେ ସ୍ମୃତିରଞ୍ଜନ ନାୟକଙ୍କୁ ସଭାପତି କରାଯାଇଥିବାବେଳେ କଟକ ସହରର ଯୁବ ବିଜେଡି କାର୍ଯ୍ୟକାରୀ ସଭାପତି ଭାବେ ସିଦ୍ଧାର୍ଥ ରାୟଙ୍କୁ ଅବସ୍ଥାପିତ କରାଯାଇଛି।

ରାଜନୀତିକ ବିଶ୍ଲେଷକଙ୍କ ମତରେ, ବିଜେଡିର ଯୁବ କମିଟିକୁ ଯେଉଁ ଢଙ୍ଗରେ ପୁନର୍ଗଠିତ ହୋଇଛି ତାହା ନିଶ୍ଚିତ ଭାବେ ଦଳ ପାଇଁ ଏକ ଚ୍ୟାଲେଞ୍ଜ ହେବ। ଯୁବଗୋଷ୍ଠୀଙ୍କୁ ଆଗରେ ରଖି ରାଜନୀତିକ ଦଳଗୁଡ଼ିକ ନିଜର ସମସ୍ତ ରାଜନୀତିକ କାର୍ଯ୍ୟକ୍ରମ କରୁଥିବାବେଳେ ବିଜେଡିର ଯୁବ କମିଟିର ନେତୃତ୍ୱ ଏଭଳି ଜଣେ ବିଧାୟକଙ୍କ ହାତରେ ନ୍ୟସ୍ତ ହୋଇଛି ଯେ ନିଜେ ବିଭିନ୍ନ ପ୍ରକାରର ଦୁର୍ନୀତି ଘଟଣାରେ ବିବାଦୀୟ। ତା’ଛଡ଼ା କାର୍ଯ୍ୟକାରୀ ସଭାପତି ଭାବେ ସୁନ୍ଦରଗଡ଼ର ଯେଉଁ ଯୁବନେତାଙ୍କୁ ଆଗକୁ ଅଣାଯାଇଛି, ରାଜ୍ୟର ସାଧାରଣ ଯୁବଗୋଷ୍ଠୀଙ୍କୁ ଦଳ ପ୍ରତି ଆକୃଷ୍ଟ କରିବାରେ ସେ ସକ୍ଷମ ହେବେନି। ତେଣୁ କେବଳ ଯୁବ ସଂଗଠନକୁ ନିଜ କବଜାରେ ରଖିବା ନିମନ୍ତେ ଏହା ବିଜେଡିର ଏକ ଗୋଷ୍ଠୀର ସୁଚିନ୍ତିତ ଚାଲ୍। ଯୁବ ବିଜେଡିର ଏହି ତାଲିକା ହିଁ ଦଳର ଆଭିମୁଖ୍ୟ ଓ ଭବିଷ୍ୟତ ରୂପରେଖର ଆଭାସ ଦେଉଛି ବୋଲି ଦଳୀୟ ମହଲରେ ଚର୍ଚ୍ଚା।

ଆହୁରି ପଢ଼ନ୍ତୁ

ଆଜି ମହାଷଷ୍ଠୀ ପୂଜା; ମା’ଙ୍କୁ ସିଧାସଳଖ ଦର୍ଶନ କରିପାରିବେନି ଭକ୍ତ

ଲକ୍‌ଡାଉନ୍‌ ଯୋଗୁଁ କମିଛି ଦୁର୍ଘଟଣାଜନିତ ମୃତ୍ୟୁ ସଂଖ୍ୟା

କରୋନାରୁ ସୁସ୍ଥ ପରେ ବି ରହିଛି ବିପଦ, ସରକାର ଜାରି କଲେ ଆଡଭାଇଜରି

ସରପଞ୍ଚଙ୍କ ବାପାଙ୍କୁ ହାଣିଦେଲେ ଦୁର୍ବୃତ୍ତ, ଅଳ୍ପକେ ବର୍ତିଲେ ମା’ ଓ ଭାଇ

ରକ୍ତମୁଖା ଜମି ପିଇଲା ୩ ଜଣଙ୍କ ରକ୍ତ

ମନୁଷ୍ୟକୃତ ବନ୍ୟା: ବିଧାୟକ ପ୍ରଣବ ବଳବନ୍ତରାୟଙ୍କୁ ଲୋକାଯୁକ୍ତଙ୍କ ନୋଟିସ୍‌

ରାତି ପାହିଲେ ମହାଷଷ୍ଠୀ ,ଏଥର ସୁନା ଚାନ୍ଦିରେ ଝଟକିବେନି ମା ’

ବାଲେଶ୍ୱର ଉପ ନିର୍ବାଚନ: ୯୦ ବର୍ଷରେ ଯୋଦ୍ଧା ସାଜିଛନ୍ତି ବେଣୁଧର

ଶାରୀରିକ ଅସୁସ୍ଥତା କାରଣରୁ ସମୟ ମାଗିଲେ ଓଟିଭି ସାମ୍ବାଦିକ ରମେଶ ରଥ

ଆଜିଠୁ ଉପକୂଳ ଓଡ଼ିଶାରେ ବର୍ଷା ସହ ପବନ ସମ୍ଭାବନା

ଗୁଣପୁର ତହସିଲଦାର ନିଲମ୍ବିତ

ବନ୍ଦ ଘରୁ ମିଳିଲା ପ୍ରଫେସରଙ୍କ ମୃତଦେହ