ଏଥର ଦିବ୍ୟାଙ୍ଗଙ୍କ ମୁହଁରେ ଝଙ୍କୃତ ହେବ ଜାତୀୟ ସଙ୍ଗୀତ, ନେତୃତ୍ୱ ନେଲେ ବିଗ୍‌ ବି

<p>ନୂଆଦିଲ୍ଲୀ: ୭୦ତମ ସ୍ୱାଧୀନତା ଦିବସର ପୂର୍ବ ସନ୍ଧ୍ୟାରେ ବଲିଉଡର ମହାନାୟକ ଅମିତାଭ ବଚ୍ଚନ କିଛି ଅଲଗା କରି ଦେଖାଇବାକୁ ଯାଉଛନ୍ତି। ଦେଶର ଦିବ୍ୟାଙ୍ଗମାନଙ୍କ ପାଇଁ ପ୍ରଥମଥର ପାଇଁ ସେ ସାଂକେତିକ ଭାଷାରେ ପ୍ରସ୍ତୁତ ହୋଇଥିବା ଜାତୀୟ ସଙ୍ଗୀତ &lsquo;ଜନଗଣ&rsquo; ଗାନ କରିବେ । ଏହି ଭିଡିଓ ସହ ଗୀତର ଧାଡ଼ି ସବୁ କ୍ୟାପସନରେ ପରଦାରେ ପ୍ରଦର୍ଶନ କରାଯିବ।</p> <p>ପାଖାପାଖି ୩.୩୭ ମିନିଟର ଗୀତଟିକୁ ମ୍ୟୁଜିକ୍ ଦେଇଛନ୍ତି ଆଦେଶ ଶ୍ରୀବାସ୍ତବ। ଗୀତର ନିର୍ଦ୍ଦେଶନା ଦେଇଛନ୍ତି ଗୋବିନ୍ଦ ନିହାଲନୀ। ଏଥିରେ ଦିଲ୍ଲୀ, କୋହ୍ଲାପୁର ଓ ମୁମ୍ବାଇର ୩୬ ଦିବ୍ୟାଙ୍ଗ ପିଲା ସାମିଲ ହୋଇଛନ୍ତି।</p> <p>ଭାରତ ସରକାର ଦିବ୍ୟାଙ୍ଗ ପିଲାମାନଙ୍କୁ ଅନ୍ୟ ସାଧାରଣ ପିଲାଙ୍କ ସହ ସମାନ ଅଧିକାର ଦେବାକୁ ଅଭିଯାନ ଆରମ୍ଭ କରିଛନ୍ତି । ଏହି ପରିପ୍ରେକ୍ଷୀରେ UN Information Centre for India and Bhutan ସାହାୟତାରେ ଏହାକୁ ପ୍ରସ୍ତୁତ କରାଯାଇଛି। ଏଥିପାଇଁ ବିଶେଷ ଆଗ୍ରହ ଦେଖାଇଛନ୍ତି ବିଗ୍ ବି ଅମିତାଭ ବଚ୍ଚନ । ମୁମ୍ବାଇର ଏକ ଷ୍ଟୁଡିଓରେ ସେ ୮ରୁ ୯ ଘଣ୍ଟା କାଳ ମାଗଣାରେ କାମ କରି ଗୀତଟିକୁ ରେକର୍ଡ କରିଛନ୍ତି।</p> <p>ଅନେକ ଦିନରୁ ଦେଶର ଦିବ୍ୟାଙ୍ଗମାନଙ୍କର ଦାବି ଥିଲା, ସ୍ୱାଧୀନତା ଦିବସ କିମ୍ବା ସାଧାରଣତନ୍ତ୍ର ଦିବସରେ ସେମାନଙ୍କ ପାଇଁ କିଛି ବିଶେଷ କାର୍ଯ୍ୟକ୍ରମର ଆୟୋଜନ କରାଯିବା ଉଚିତ୍। ସବୁଥର କେବଳ ଦୂରଦର୍ଶନରେ ନେତାଙ୍କ ଭାଷଣକୁ ହିଁ ସାଙ୍କେତିକ ଭାଷାରେ ଅନୁବାଦ କରାଯାଏ। ହେଲେ ଏ ବର୍ଷ ପ୍ରଥମଥର ପାଇଁ ଅମିତାଭ ବଚ୍ଚନ ନିଜେ ସ୍ୱାଧିନତା ଦିବସରେ ଏହି ଦିବ୍ୟାଙ୍ଗ ମାନଙ୍କୁ ସାଧାରଣ ଜନତାଙ୍କ ସହ ସମାନ ଅଧିକାର ଦେଇ ଜାତୀୟ ସଙ୍ଗୀତ ସମର୍ପଣ କରିବେ।</p> <p>(ଭିଡିଓ ସୌଜନ୍ୟ.... ୟୁଟ୍ୟୁବ)</p>