ସମସ୍ତେ ସୁନ୍ଦର ହେବାକୁ ଚାହାଁନ୍ତି। ସେଥିପାଇଁ ନିଜର ତ୍ୱଚାକୁ ସୁନ୍ଦର ଓ ସତେଜ ରଖିବାକୁ ପଡ଼ିଥାଏ। ଆସନ୍ତୁ ଜାଣିବା କିପରି ରଖିବା ଆମ ତ୍ୱଚାକୁ ସତେଜ।
୧-କମଳା ଖାଇବା ପରେ ତା’ର ଚୋପାକୁ ଫୋପାଡି ଦିଅନ୍ତୁ ନାହିଁ। ତାକୁ ଶୁଖାଇ ଗୁଣ୍ଡ କରନ୍ତୁ। ଚନ୍ଦନ ଓ କ୍ଷୀରକୁ ଏହା ସହିତ ମିଶାଇ ଏକ ମିଶ୍ରଣ ପ୍ରସ୍ତୁତ କରନ୍ତୁ। ପରେ ଏହାକୁ ମୁହଁ ଓ ହାତରେ ଲଗାନ୍ତୁ। ୨୦/୨୫ ମିନିଟ୍ ପରେ ପାଣିରେ ଧୋଇ ଦିଅନ୍ତୁ। ଦେଖିବେ ଏହା ଆପଣ ତ୍ୱଚାକୁ କୋମଳ କରିଦେବ। ନିୟମିତ ବ୍ୟବହାର ଦ୍ୱାରା ତ୍ୱଚାର ଉନ୍ନତି ପରିଲକ୍ଷିତ ହେବ।
୨-କାକୁଡ଼ି ଓ ବିଲାତି ବାଇଗଣକୁ କାଟି ଉଭୟକୁ ଦୁଇ ଖଣ୍ଡ ଆଣି ଏକ ମିଶ୍ରଣ ପ୍ରସ୍ତୁତ କରନ୍ତୁ ଓ ଏହାକୁ ମୁହଁରେ ଲଗାନ୍ତୁ। ଶୁଖିଯିବା ପରେ ମୁହଁକୁ ଧୋଇ ଦିଅନ୍ତୁ। ଦେଖିବେ ମୁଖମଣ୍ଡଳ ଉଜ୍ଜଳ ଓ ମସୃଣ ଦେଖାଯିବ।
୩- କିଛି ବୁନ୍ଦା ଲେମ୍ବୁରସ ସହିତ ସମାନ ପରିମାଣରେ ମହୁ ମିଶାଇ କ୍ରିମ୍ ପ୍ରସ୍ତୁତ କରନ୍ତୁ। ପରେ ଏହାକୁ ମୁହଁରେ ଲଗାଇ ୧୦ ମିନିଟ୍ ଛାଡ଼ି ଦିଅନ୍ତୁ। ତା’ପରେ ଧୋଇ ଦିଅନ୍ତୁ। ଏଥର ଆପଣ ତ୍ୱଚାର ସତେଜତା ଲକ୍ଷ୍ୟ କରିପାରିବେ।
୪- ମୁଠାଏ ଅଟା ସହିତ ସାମାନ୍ୟ ସୋରିଷ ତେଲ ପକାଇ ପେଷ୍ଟ ପସ୍ତୁତ କରନ୍ତୁ। ଏହାକୁ ମୁହଁରେ ଲଗାନ୍ତୁ ଶୁଖିଗଲା ପରେ ମୁହଁକୁ ଧୋଇ ଦିଅନ୍ତୁ। ଏହା ମୁହଁରେ ଥିବା କଳା ଦାଗକୁ ଦୂର କରିଥାଏ।
୫-ପାଚିଲା କଦଳୀରେ ଏକ ପେଷ୍ଟ ପ୍ରସ୍ତୁତ କରନ୍ତୁ । ଏଥିରେ କିଛି ଅଲିଭ୍ ତେଲ ମିଶାନ୍ତୁ। ପରେ ଏହାକୁ ନିଜ ମୁହଁ ଓ ଗଳାରେ ଲଗାଇ କିଛି ସମୟ ପରେ ଉଷୁମ ପାଣିରେ ଧୋଇ ଦିଅନ୍ତୁ। ପରେ ମଶ୍ଚରାଇଜର ବ୍ୟବହାର କରନ୍ତୁ। ଏହା ଶୁଷ୍କ ତ୍ୱଚା ପାଇଁ ଫଳପ୍ରଦ ହୋଇଥାଏ।