ମଧ୍ୟାହ୍ନ ଭୋଜନରେ ଶୁଖିଲା ଭାତ, ପାଣିରେ ଭାସୁଛି ଡାଲି

<p>ରାୟଗଡ଼ା (ଓଡ଼ିଶା ରିପୋର୍ଟର): ସବୁ ପିଲାଙ୍କ ପାଖରେ ଶିକ୍ଷା ପହଞ୍ଚାଇବାକୁ ସରକାର ଯୋଜନା ପରେ ଯୋଜନା କରୁଛନ୍ତି। ମଧ୍ୟାହ୍ନ ଭୋଜନଠାରୁ ଆରମ୍ଭ କରି ପୁସ୍ତକ, ପୋଷାକ, ସାଇକେଲ ଦିଆଯାଉଛି। ଏହାସହ ଅଧାରୁ ପାଠ ଛାଡିଥିବା ପିଲାଙ୍କୁ ପୁଣି ସ୍କୁଲକୁ ଫେରାଇ ଆଣିବାକୁ ସଚେତନତା ସୃଷ୍ଟି କରାଯାଉଛି। ହେଲେ କିଛି ସ୍ଥାନରେ ବିଭାଗୀୟ ଅଧିକାରୀଙ୍କ ଅପାରଗତା ଓ ସ୍କୁଲ କର୍ତ୍ତୃପକ୍ଷଙ୍କ ଦାୟିତ୍ୱହିନତାରୁ ଏହାର ଲାଭ ପିଲାମାନେ ପାଉନାହାଁନ୍ତି। ଏପରି ଏକ ଅଭିଯୋଗ ଆସିଛି ରାୟଗଡ଼ ଜିଲ୍ଲା ବିଷମକଟକ ବ୍ଲକ୍&zwnj;ରେ ଥିବା ବାରିଗୁଡା ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟରୁ।</p> <p>&lt;a href=&quot;&quot;&gt;(image) &lt;/a&gt;ବାରିଗୁଡା ବିଦ୍ୟାଳୟରେ ମଧ୍ୟାହ୍ନ ଭୋଜନରେ ବ୍ୟାପକ ଅବ୍ୟବସ୍ଥା ଦେଖିବାକୁ ମିଳୁଛି। ନା ଅଛି ରୋଷେଇ ଘର, ନା ଦିଆଯାଉଛି ପୁଷ୍ଟିକର ଖାଦ୍ୟ। ରୋଷେଇ ଘର ଅଭାବରୁ ଏକ ପରିତ୍ୟକ୍ତ ଘରେ ପିଲାଙ୍କ ପାଇଁ ଖାଦ୍ୟ ରନ୍ଧା ଯାଉଛି। ଖାଦ୍ୟରେ ମିଳୁଛି କେବଳ ଶୁଖିଲା ଭାତ ଓ ନାମକୁ ମାତ୍ର ଡାଲି। ଦିଆଯାଉଥିବା ଭାତରୁ ବାହାରୁଛି ଗୋଡି ଓ ପୋକ। ଏପରି ଅଭିଯୋଗ କରିଛନ୍ତି ସ୍କୁଲର ଛାତ୍ରଛାତ୍ରୀ।</p> <p>ଏହା ଗୋଟିଏ ସମସ୍ୟା ନୁହେଁ। ୨୩୫ ପିଲାଙ୍କ ପାଇଁ ନା ଅଛି ଶୌଚାଳୟ ନା ସ୍କୁଲ ଚାରିପଟେ ପାଚେରୀ। ଏପରିକି ସ୍କୁଲର ଖେଳ ପଡିଆ ମଝିରେ ବିପଦସଙ୍କୁଳ ଅବସ୍ଥାରେ ରହିଛି ଏକ ଟ୍ରାନ୍ସଫର୍ମର। ଫଳରେ ପିଲାମାନେ ଭୟରେ ସେଠାରେ ଖାଳକୁଦ କରିପାରୁ ନଥିବା ଅଭିଯୋଗ ହୋଇଛି।</p> <p>&lt;a href=&quot;http://odishareporter.in/wp-content/uploads/2017/09/raygada2.jpg&quot;&gt;(image) &lt;/a&gt;ଏପରି ଅଭିଯୋଗକୁ ମଧ୍ୟାହ୍ନ ଭୋଜନ ରନ୍ଧା ଦାୟିତ୍ୱ ନେଇଥିବା ସ୍ୱୟଂ ସହାୟକ ଗୋଷ୍ଠୀ ପକ୍ଷରୁ ଖଣ୍ଡନ କରାଯାଇଛି। ସ୍ୱୟଂ ସହାୟକ ଗୋଷ୍ଠୀ ସଭାପତି ପି.ନାଗମଣି କହିଛନ୍ତି- &ldquo;ରନ୍ଧା ଠିକ୍&zwnj;ଠାକ ହେଉଛି, ସବୁ ପିଲା ଖାଉଛନ୍ତି। ଯାହାର ଇଚ୍ଛା ନାହିଁ ସେ ଖାଉନାହାଁନ୍ତି। ଡାଲି ମୋଟା କଲେ କହୁଛନ୍ତି ପାଣି ଅଧିକ ଦେବାକୁ। ତେଣୁ ଆମେ ଟିକେ ପାଣି ଦେଇ ଦେଉଛୁ।&rdquo;</p> <p>ଅନ୍ୟପକ୍ଷରେ ଘଟଣାର ତଦନ୍ତ କରାଯାଇ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ବିଭାୟ ଅଧିକାରୀ କହିଛନ୍ତି। &nbsp;ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ଆନାସ୍ଥେସିଆ କେର୍କେଟା କହିଛନ୍ତି- &ldquo;ଅଭିଯୋଗ ଆସିବା ପରେ ବିଇଓଙ୍କୁ ସ୍କୁଲକୁ ଯାଇ ଘଟଣାର ଯାଞ୍ଚ କରିବାକୁ କହିଛି। ପିଲାଙ୍କୁ ଖାଲି ଭାତ ଓ ପତଳା ଡାଲି ଦିଆଯାଉଥିବା ଅଭିଯୋଗ ସତ ବୋଲି ଯାଞ୍ଚରୁ ଜଣାପଡିଲେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।&rdquo;</p> <p>[vc_video link=&quot;https://www.youtube.com/watch?v=Ikhtr6t2FNs&quot; align=&quot;center&quot;]</p>