ବେଙ୍ଗଲୁରୁ: ଲୋକମାନେ ଅନ୍ଧବିଶ୍ୱାସର ବଶବର୍ତ୍ତୀ ହୋଇ ଝିଅର ବିବାହ ଗଛ, ଛେଳି ଓ କୁକୁର ସହିତ କରିଥାନ୍ତି ବୋଲି ଆମେ ଶୁଣିଛୁ। କିନ୍ତୁ କର୍ଣ୍ଣାଟକର ମାଙ୍ଗାଲୁର ସ୍ଥିତ ମହାଦେଶ୍ୱରାରେ ଗାଁ ଲୋକେ ଭଲ ବର୍ଷା ପାଇଁ ଜଣେ ଯୁବକଙ୍କ ସହ ଆଉ ଜଣେ ଯୁବକଙ୍କୁ ବିବାହ କରାଇଛନ୍ତି।
ସ୍ଥାନୀୟ ଲୋକେ କହିଛନ୍ତି, ଯୁବକ ସହ ଯୁବକ ବିବାହ କଲେ ଭଲ ବର୍ଷା ହୋଇଥାଏ ଓ ଗାଁର ସମୃଦ୍ଧି ହୋଇଥାଏ। ଏହା ସେମାନଙ୍କର ବିଶ୍ୱାସ।
ଏହି ବିବାହରେ ଗାଁର ସମସ୍ତ ଲୋକ ସାମିଲ ହୋଇଥିଲେ। ମହାଶିବରାତ୍ରୀ ଦିନ ଏହି ବିବାହ ସଂପନ୍ନ ହୋଇଥିଲା। ଗାଁ ଲୋକେ ଜଣେ ଯୁବକଙ୍କୁ ଶାଢ଼ି ଓ ଚୁଡ଼ି ପିନ୍ଧାଇ ବୋହୂ ପରି ସଜାଇଥିଲେ। ଅନ୍ୟ ଜଣେ ଯୁବକଙ୍କୁ ବର ବେଶରେ ସଜାଇଥିଲେ।
ବିବାହର ସମସ୍ତ ଖର୍ଚ୍ଚ ଗାଁ ଲୋକେ ଚାନ୍ଦା ଠୁଳାଇ ବହନ କରିଥିଲେ।