ବରଗଡ଼: ‘ରାଧେ ମା’ ଆକ୍ଷେପ ନେଇ ଦୁଇ ବିଧାୟକଙ୍କ କୁଶପୁତ୍ତଳିକା ଦାହ

ବରଗଡ଼: ବିଜେପି ବିଧାୟିକା ରାଧାରାଣୀ ପଣ୍ଡାଙ୍କୁ ବିଧାନସଭାରେ ‘ରାଧେ ମା’  ଆକ୍ଷେପ କରାଯାଇଥିବା ଘଟଣାକୁ କୋଶଳ ରାଜ୍ୟ ସମନ୍ୱୟ ସମିତି ପକ୍ଷରୁ ନିନ୍ଦା କରାଯାଇଛି। ଏ ନେଇ ମଙ୍ଗଳବାର ବିଜେଡ଼ି ବିଧାୟକ ରଣେନ୍ଦ୍ର ପ୍ରତାପ ସ୍ୱାଇଁ ଏବଂ ଦେବାଶିଷ ସାମନ୍ତରାୟଙ୍କ କୁଶପୁତ୍ତଳିକା ଦାହ କରାଯିବା ସହ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ବରଗଡ଼ ଜିଲ୍ଲାପାଳ ଅଞ୍ଜନ କୁମାର ମାଣିକଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି। ସ୍ଥାନୀୟ ଗୌରପଡ଼ା ଛକ ଠାରୁ ଏକ ଶୋଭାଯାତ୍ରା ବାହାରି ସହର ପରିକ୍ରମା କରିଥିଲା। ବିଜେଡ଼ି ବିଧାୟକ ଦ୍ୱୟଙ୍କ ବିରୋଧରେ ନାରାବାଜି କରି ଶୋଭାଯାତ୍ରା କରାଯାଇଥିଲା। ଏହି ବିକ୍ଷୋଭ ଶୋଭାଯାତ୍ରା କୋଶଳ ରାଜ୍ୟ ସମନ୍ୱୟ ସମିତି ଜିଲ୍ଲା ସଂଯୋଜକ ସୁନିଲ ପୁରୋହିତ ନେତୃତ୍ୱରେ କରାଯାଇଥିଲା।