କୋଲକାତା ଦିନିକିଆରେ ବର୍ଷା ସାଜିପାରେ ବାଧକ

ଭୁବନେଶ୍ୱର (ଓଡ଼ିଶା ରିପୋର୍ଟର): ଚେନ୍ନାଇ ମ୍ୟାଚ୍‌ ଭଳି ଦ୍ୱିତୀୟ ଦିନିକିଆରେ ମଧ୍ୟ ବର୍ଷା ବାଧକ ସାଜିପାରେ। ଭାରତ ଓ ଅଷ୍ଟ୍ରେଲିଆ ମଧ୍ୟରେ କୋଲକାତାରେ ଖେଳାଯିବାକୁ ଥିବା ଦ୍ୱିତୀୟ ଦିନିକିଆ ବର୍ଷା କରାଣରୁ ଧୋଇଯିବାର ଆଶଙ୍କା ଦେଖାଦେଇଛି। ଆସନ୍ତା ଗୁରୁବାର ଦିନ  ଇଡେନ୍‌ ଗାର୍ଡେନ୍‌ ଠାରେ ଏହି ମ୍ୟାଚ୍‌ ଖେଳାଯିବାକୁ ଥିବା ବେଳେ ଏଠାରେ ଗତ ସୋମବାର ଠାରୁ ବର୍ଷା ଲାଗିରହିଛି। ଫଳରେ ପଡିଆ ଓ ପିଚ୍‌କୁ ମ୍ୟାଚ୍‌ ଉପଯୋଗୀ କରିବା କଷ୍ଟକର ହୋଇପଡିଛି। କେବଳ ଏତିକି ନୁହେଁ ବର୍ଷା କାରଣରୁ ଟିମ୍‌ ଇଣ୍ଡିଆର ଅଭ୍ୟାସ୍ ସମ୍ଭବ ହୋଇପାରିନାହିଁ। ଦୁଇଦିନ ଧରି ପିଚ୍‌କୁ ଘୋଡ଼ାଇ ରଖାଯାଇଛି। ଅନ୍ୟପଟେ ପାଣିପାଗ ବିଭାଗ ସୂଚନା ଅନୁସାରେ ଆସନ୍ତା ଗୁରୁବାର ବା ମ୍ୟାଚ୍‌ ଦିନ କୋଲକାତାରେ ବର୍ଷା ଆଶଙ୍କା ରହିଛି। ପୂର୍ବରୁ ଚେନ୍ନାଇରେ ଖେଳାଯାଇଥିବା ପ୍ରଥମ ଦିନିକିଆ ମ୍ୟାଚ୍‌ରେ ମଧ୍ୟ ବର୍ଷା ବାଧକ ସାଜିଥିଲା। ବର୍ଷାଫଳରେ ଦ୍ୱିତୀୟ ଇନିଂସରେ ଅଷ୍ଟ୍ରେଲିଆର ଓଭର କମାଇଦିଆଯାଇଥିଲା। ଅଷ୍ଟ୍ରେଲିଆ ପାଇଁ ୨୧ ଓଭରରେ ୧୬୪ରନ ବିଜୟ ଲକ୍ଷ୍ୟ ଧାର୍ଯ୍ୟ କରାଯାଇଥିଲା।