ନ୍ୟୁଜିଲାଣ୍ଡ ଆଗରେ ୩୩୮ରନ୍‌ର ଟାର୍ଗେଟ୍: କୋହଲି ଓ ରୋହିତଙ୍କ ବିସ୍ଫୋରକ ବ୍ୟାଟିଂ

ଭୁବନେଶ୍ୱର (ଓଡ଼ିଶା ରିପୋର୍ଟର): କାନପୁର ଗ୍ରୀନ ପାର୍କରେ ଟିମ୍ ଇଣ୍ଡିଆର ଦମଦାର ବ୍ୟାଟିଂ। ନିର୍ଦ୍ଧାରିତ ୫୦ ଓଭରରେ ୬ ୱିକେଟ ହରାଇ ଟିମ୍ ଇଣ୍ଡିଆ ସଂଗ୍ରହ କରିଛି ୩୩୭ ରନ୍। ଓପନର୍ ରୋହିତ ଶର୍ମା ଏବଂ ଅଧିନାୟକ ବିରାଟ କୋହଲିଙ୍କ ଆକର୍ଷଣୀୟ ଶତକ ବଳରେ ଟିମ୍‌ର ସ୍କୋର ୩୩୭ ରନରେ ପହଞ୍ଚିଥିଲା। ରୋହିତ ୧୪୭ ଓ ବିରାଟ ୧୧୩ ରନ୍ କରିଥିଲେ। ୨୯ ରନରେ ପ୍ରଥମ ୱିକେଟ ହରାଇଥିଲା ଟିମ୍ କିନ୍ତୁ ୨୩୦ ରନର ଲମ୍ବା ପାଟନରସିପ୍ ଖେଳିଥିଲେ ରୋହିତ ଏବଂ ବିରାଟ କୋହଲି। ଉଭୟଙ୍କ ଏହା ୪ର୍ଥ ୨୦୦ ରନ୍ ପାଟନରସିପ୍। ତେବେ ଗ୍ରୀନ ପାର୍କ ପିଚ୍ ବ୍ୟାଟିଂକୁ ସୁହାଉଥିବା ବେଳେ ବର୍ତ୍ତମାନ ମ୍ୟାଚ ସମ୍ପୂର୍ଣ୍ଣ ଭାବେ ଭାରତୀୟ ବୋଲର୍ଙ୍କ ଉପରେ ନିର୍ଭର କରିବ। ପୂର୍ବରୁ ସିରିଜ ୧-୧ରେ ବାରାବର ଥିବାବେଳ ଆଜିର ମ୍ୟାଚ ଜିତିବା ଦଳ ସରିଜକୁ କବ୍‌ଜା କରିବ।