କାବୁଲ୍: ଆଫଗାନିସ୍ତାନ କ୍ରିକେଟ୍ ବୋର୍ଡ (ଏସିବି) ଆଚାର ସଂହିତା ଉଲ୍ଲଙ୍ଘନ ଅଭିଯୋଗରେ ଷ୍ଟାର୍ ୱିକେଟକିପର ବ୍ୟାଟ୍ସମ୍ୟାନ୍ ମହମ୍ମଦ ଶେହଜାଦଙ୍କୁ ଅନିର୍ଦ୍ଦିଷ୍ଟକାଳ ପର୍ଯ୍ୟନ୍ତ ସସପେଣ୍ଡ୍ କରିଛି। ଏସିବିର ବିଜ୍ଞପ୍ତି ଅନୁଯାୟୀ, ଶେହଜାଦ୍ ବିଦେଶ ଗସ୍ତ ପାଇଁ ବୋର୍ଡର ଅନୁମତି ନେବାର ନିୟମର ପାଳନ କରିନାହାନ୍ତି।
ବୋର୍ଡର ନୀତି ଆଧାରରେ ବାହାରକୁ ଯିବା ପାଇଁ ପ୍ରତି ଖେଳାଳିଙ୍କୁ ଏସିବିର ଅନୁମତି ନେବାକୁ ପଡ଼ିଥାଏ। କିନ୍ତୁ ଶେହଜାଦ ଏହାର ପାଳନ କରିନାହାନ୍ତି। ଶେହଜାଦ୍ ପୂର୍ବରୁ ମଧ୍ୟ ବୋର୍ଡର ଆଚାର ସଂହିତାର ଉଲ୍ଲଙ୍ଘନ କରିଛନ୍ତି। ଶେହଜାଦଙ୍କୁ ନିକଟରେ ଏସିବିର ଶୃଙ୍ଖଳିତ କମିଟି ବିଶ୍ୱକପରେ ଏକ ବିଶୃଙ୍ଖଳିତ ମାମଲାର ଶୁଣାଣି କରିଥିଲେ।
ଏସିବି ସଙ୍କେତ ଦେଇଛି ଯେ, ଚଳିତମାସ ଶେଷରେ ତାଙ୍କ ଉପରେ ଆହୁରି ପ୍ରତିବନ୍ଧକ ଲଗାଯାଇପାରେ। ବୋର୍ଡ ପକ୍ଷରୁ କୁହାଯାଇଛି ଯେ, ଶେହଜାଦ୍ ଗତମାସ ୨୦ ଏବଂ ୨୫ ତାରିଖରେ ଶୃଙ୍ଖଳା କମିଟିର ବୈଠକରେ ଭାଗ ନେଇନଥିଲେ। ଏହି କମିଟିର ବୈଠକ ଇଦ୍ ପରେ ହେବ, ଯେଉଁଥିରେ ତାଙ୍କ ଉପରେ ନିଷ୍ପତ୍ତି ନିଆଯିବ।