ନୂଆଦିଲ୍ଲୀ: ଜମ୍ମୁ-କଶ୍ମୀରରୁ ଧାରା ୩୭୦ ଉଚ୍ଛେଦ ହେବା ପରେ କେନ୍ଦ୍ରଶାସିତ ଅଞ୍ଚଳର ମାନ୍ୟତା ପାଇଥିବା ଲଦାଖବାସୀଙ୍କ ପାଇଁ ଖୁସି ଖବର। ଏବେ ଲଦାଖରେ କ୍ରିକେଟ୍ ଏବଂ ସ୍ପୋର୍ଟ୍ସ ଏକାଡେମୀର ସ୍ଥାପନ କରାଯିବା ନେଇ କେନ୍ଦ୍ର ମନ୍ତ୍ରୀ ଅନୁରାଗ ଠାକୁର ମଙ୍ଗଳବାର ଘୋଷଣା କରିଛନ୍ତି।
ଏହି ଏକାଡେମୀ ଖୋଲିବା ଦ୍ୱାରା ଅଞ୍ଚଳର ପ୍ରତିଭାଶାଳୀ ଖେଳାଳିଙ୍କୁ ଅଭ୍ୟାସ କରିବାର ସବୁ ସୁବିଧା ମିଳିପାରିବ। ଠାକୁରଙ୍କ କାର୍ଯ୍ୟାଳୟ ପକ୍ଷରୁ ଜାରି ହୋଇଥିବା ବିଜ୍ଞପ୍ତି ଅନୁଯାୟୀ, ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ୬୯ତମ ଜନ୍ମଦିବସ ଅବସରରେ ଲେହରେ ସ୍ୱଚ୍ଛ ଅଭିଯାନରେ ଭାଗ ନେଇଥିଲେ।
ଏହି ଅବସରରେ ବିସିସିଆଇର ପୂର୍ବତନ ଅଧ୍ୟକ୍ଷ ଠାକୁର ସ୍ପୋର୍ଟ୍ସ ଏକାଡେମୀର ଘୋଷଣା କରି କହିଛନ୍ତି, "ଖେଳାଳିମାନଙ୍କ ପାଇଁ ଉପଯୁକ୍ତ ପ୍ଲାଟଫର୍ମ ପ୍ରସ୍ତୁତ କରିବା ପାଇଁ ମୁଁ ସର୍ବଦା ପ୍ରୟାସ କରିଆସିଛି। ମୁଁ ଲେହରେ କ୍ରିକେଟ୍ ଏବଂ ସ୍ପୋର୍ଟ୍ସ ଏକାଡେମୀ ସ୍ଥାପନ କରିବା ନେଇ ପ୍ରସ୍ତାବ ରଖିଛି, ଯଦ୍ଦ୍ୱାରା ଏହି ଅଞ୍ଚଳର ଯୁବ ଖେଳାଳିଙ୍କୁ ଅଧିକ ସୁଯୋଗ ମିଳିପାରିବ।"
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
