ତେନ୍ଦୁଲକରଙ୍କ ପୁଅ ଅର୍ଜୁନଙ୍କ ବୋଲିଂରେ ମାଟି କାମୁଡ଼ିଲେ ଧାୱନ: କୋହଲିଙ୍କୁ ବି କରାଇଲେ ପ୍ରାକ୍ଟିସ୍‌

ଭୁବନେଶ୍ୱର (ଓଡ଼ିଶା ରିପୋର୍ଟର): ରବିବାର ଠାରୁ ନ୍ୟୁଜିଲାଣ୍ଡ ଓ ଭାରତ ମଧ୍ୟରେ ଦିନିକିଆ ସିରିଜ ଆରମ୍ଭ ହେଉଛି। ସିରିଜର ପ୍ରଥମ ମ୍ୟାଚ୍‌ ମୁମ୍ବାଇର ୱାଙ୍ଖଡେ ଷ୍ଟାଡ଼ିୟମରେ ଖେଳାଯିବ। ତେଣୁ ଟିମ୍ ଇଣ୍ଡିଆର ଖେଳାଳି ଜୋରଦାର ଅଭ୍ୟାସ ଜାରି ରଖିଛନ୍ତି। ଏହି ଅବସରରେ ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକରଙ୍କ ପୁଅ ଅର୍ଜୁନ ତେନ୍ଦୁଲକର ବି ନେଟ୍ ପ୍ରାକ୍ଟିସ୍ ସମୟରେ ନଜରକୁ ଆସିଥିଲେ। ଅର୍ଜୁନ ଅଧିନାୟକ ବିରାଟ ଓ ଧାୱନଙ୍କ ସହ ଅନ୍ୟ ବ୍ୟାଟ୍ସମାନଙ୍କୁ ମଧ୍ୟ ବୋଲିଂ କରିଥିଲେ। ଫାଷ୍ଟ ବୋଲର ଅର୍ଜୁନ ତାଙ୍କ ବାଉନ୍ସିଂ ବୋଲିଂରେ ଶିଖର ଧାୱନଙ୍କୁ ଅଡୁଆରେ ପକାଇଥିଲେ। ଅର୍ଜୁନଙ୍କ ବୋଲିଂରେ ଧାୱନ ଅଶ୍ଚର୍ଯ୍ୟ ହେବା ସହ ତାଙ୍କ ବଲକୁ ଠିକ୍‌ ସେ ଖେଳିପାରିନଥିଲେ।

ଏହା ପୂର୍ବରୁ ଅର୍ଜୁନ ମହିଳା ବିଶ୍ୱକପ ସମୟରେ ଭାରତୀୟ ଟିମ୍‌କୁ ବୋଲିଂ ପ୍ରାକ୍ଟିସ କରାଇଥିଲେ। ଏହାପରେ ଭାରତୀୟ ମହିଳା ଟିମ୍‌ ଫାଇନାଲରେ ପ୍ରବେଶ କରିଥିଲା। ଅର୍ଜୁନ ଏବେ ମୁମ୍ବାଇ ଅଣ୍ଡର-୧୯ ଟିମ୍‌ରେ ନିୟମିତ ସଦସ୍ୟ ଭାବେ କ୍ରିକେଟ୍‌ ଖେଳୁଛନ୍ତି।