ବର୍ମିଂହାମ: ଚଳିତ ରାଜ୍ୟଗୋଷ୍ଠୀ କ୍ରୀଡ଼ାରେ ଚମକିଛନ୍ତି ଭାରତର ୪ ଷ୍ଟାର ରେସରଲ। ମହିଳା କୁସ୍ତି ଇଭେଣ୍ଟର ବିଭିନ୍ନ ବର୍ଗରେ ଭାରତର ୨ ଜଣ ମହିଳା ଓ ୨ ଜଣ ପୁରୁଷ ରେସଲର ଫାଇନାଲରେ ପ୍ରବେଶ କରିଛନ୍ତି। ମହିଳା ବର୍ଗରେ ସାକ୍ଷୀ ମଲିକ ଓ ଅଂଶୁ ମଲିକ ସ୍ୱର୍ଣ୍ଣ ପଦକ ପାଇଁ ଲଢ଼େଇ କରିବାକୁ ଥିବା ବେଳେ ପୁରୁଷ ବର୍ଗରେ ବଜରଙ୍ଗ ପୁନିଆ ଓ ଦୀପକ ପୁନିଆ ଫାଇନାଲରେ ପ୍ରବେଶ କରିଛନ୍ତି।
ମହିଳା ୫୭ କେଜି ବର୍ଗରେ ଅଂଶୁ ମଲିକ ସେମି ଫାଇନାଲରେ ଅଷ୍ଟ୍ରେଲିଆର ଇରେନ ଏସଙ୍କୁ ୧୦-୦ରେ ହରାଇ ଫାଇନାଲରେ ପ୍ରବେଶ କରିଛନ୍ତି। ଏହି ମ୍ୟାଚ୍କୁ ଶେଷ କରିବା ପାଇଁ ଅଂଶଙ୍କୁ ମାତ୍ର ୬୪ ସେକେଣ୍ଡ ସମୟ ଲାଗିଥିଲା। ସେ ଟେକ୍ନିକାଲ ସୁପରିୟଟି ବା ପ୍ରତିପକ୍ଷଙ୍କୁ ସଂପୂର୍ଣ୍ଣ ଚିତ କରି ଫାଇନାଲରେ ପ୍ରବେଶ କରିଛନ୍ତି।
ରିଓ ଅଲିମ୍ପିକ୍ସରେ ଭାରତ ପାଇଁ ବ୍ରୋଞ୍ଜ ପଦକ ଜିତିଥିବା ସାକ୍ଷୀ ମଲିକ ୬୨ କେଜି ବର୍ଗର ଫାଇନାଲରେ ପ୍ରବେଶ କରିଛନ୍ତି। ସେ ସେମିଫାଇନାଲରେ କ୍ୟାମେରୁନର ଇଟାନେ ଏନଗୋଲେଙ୍କୁ ପରାସ୍ତ କରିଛନ୍ତି। ଏହି ବାଉଟକୁ ସେ ମଧ୍ୟ ଏକତରଫା ଭାବେ ୧୦-୦ରେ ଜିତିଛନ୍ତି।
[caption id="" align="aligncenter" width="812"]
ସେହିପରି ରାଜ୍ୟଗୋଷ୍ଠୀ କ୍ରୀଡ଼ାର ଡିଫେଣ୍ଡିଂ ଚାମ୍ପିୟନ ବଜରରଙ୍ଗ ପୁନିଆ ୬୫ କେଜି ପୁରୁଷ ବର୍ଗର ଫାଇନାଲରେ ପ୍ରବେଶ କରିଛନ୍ତି। ସେ ଇଂଲଣ୍ଡର ଜର୍ଜ ରମ୍ମଙ୍କୁ ୧୦-୦ରେ ପରାସ୍ତ କରି ସ୍ୱର୍ଣ୍ଣ ପଦକ ଲଢ଼େଇ ପାଇଁ ଯୋଗ୍ୟତା ଅର୍ଜନ କରିଛନ୍ତି। ଭାରତର ଭାରତର ଅନ୍ୟତମ ଷ୍ଟାର ରେସଲର ଦୀପକ ପୁନିଆ ମଧ୍ୟ ୮୫ କେଜି ଫ୍ରିଷ୍ଟାଇଲ ରେସଲିଂର ଫାଇନାଲରେ ପ୍ରବେଶ କରିଛନ୍ତି।
ସେ ସେମି ଫାଇନାଲରେ କାନାଡାର ଆଲେକଜାଣ୍ଡର ମୋରେଙ୍କୁ ୩-୧ରେ ପରାସ୍ତ କରିଛନ୍ତି। ଏହି ମ୍ୟାଚଟି ବେଶ ରୋମାଞ୍ଚକର ରହିଥିଲା। ହେଲେ ଶେଷରେ ଦୀପକ ବାଜିମାତ କରିଛନ୍ତି।
BIG Wrestling Update:
4 Indian wrestlers will be in action later tonight (2130 hrs onwards) in respective GOLD medal bouts.
✨ Bajrang Punia
✨ Deepak Punia
✨Anshu Malik
✨ Sakshi Malik
👉 Mohit Grewal & Divya Kakran will fight for Bronze medal. #CWG22 #CWG2022India pic.twitter.com/nOzHIfEoLg— India_AllSports (@India_AllSports) August 5, 2022
ଅନ୍ୟପକ୍ଷରେ ୧୨୫ କେଜି ବର୍ଗରେ ଭାରତର ମୋହିତ ଘେରୱାଲ ସେମି ଫାଇନାଲରେ ହାରି ଯାଇଛନ୍ତି। ତାଙ୍କୁ କାନାଡାର ଅମରବୀର ଧେଇସି ହରାଇ ଫାଇନାଲରେ ପହଞ୍ଚିଛନ୍ତି। ଏବେ ସେ ବ୍ରୋଞ୍ଜ ପଦକ ପାଇଁ ଜାମାଇକାର ଜନସନଙ୍କ ସହ ଲଢ଼ିବେ। ଭାରତର ଅନ୍ୟତମ ମହିଳା ରେସଲର ଦିବ୍ୟା କକରନ ୬୮ କେଜି ବର୍ଗର ରିପେଜ ରାଉଣ୍ଡରେ ଜିତିଛନ୍ତି। ଏବେ ସେ ମଧ୍ୟ ବ୍ରୋଞ୍ଜ ପଦକ ପାଇଁ ଲଢ଼ିବେ।