ନୂଆଦିଲ୍ଲୀ: ବ୍ୟାଡ୍ମିଣ୍ଟନ୍ ତାରକା ସାଇନା ନେହୱାଲଙ୍କ ବାହାଘର ଆଜି ସମ୍ପନ୍ନ ହୋଇଯାଇଛି। ଆଜି ଟ୍ୱିଟରରେ ନିଜେ ସାଇନା ଏହି ବିଷୟରେ ସୂଚନା ଦେଇଛନ୍ତି। ଆଉ ସେ ବାହା ହୋଇଛନ୍ତି ଦେଶର ଅନ୍ୟତମ ବ୍ୟାଡମିଣ୍ଟନ ତାରକା ଓ ଘନିଷ୍ଠ ବନ୍ଧୁ ପୁରୁପାଲି କାଶ୍ୟପଙ୍କୁ। ଏହି ଶୁଭ ଅବସରରେ ସାଇନା ତାଙ୍କ ସ୍ଵାମୀଙ୍କ ଉଦ୍ଦେଶ୍ୟରେ କହିଛନ୍ତି, "ଏହା ମୋ ଜୀବନର ଶ୍ରେଷ୍ଠ ମ୍ୟାଚ"।
https://twitter.com/NSaina/status/1073543794199384064
ଏହି ଯୋଡ଼ି ତେଲେଙ୍ଗାନା ବିଧାୟକ କେଟି ରାମା ରାଓ, ଫିଲ୍ମ ଅଭିନେତା ଚିରଞ୍ଜୀବୀ, ରାଜ୍ୟପାଳ ଇଏସ୍ଏଲ୍ ନରସିଂହ ଏବଂ କୋଚ୍ ଗୋପୀଚାନ୍ଦ ଆଦି ବ୍ୟକ୍ତିଙ୍କୁ ତାଙ୍କ ରିସେପ୍ସନ ପାର୍ଟିକୁ ନିମନ୍ତ୍ରଣ କରିଛନ୍ତ।
ହାଇପ୍ରୋଫାଇଲ୍ କ୍ରୀଡ଼ାବିତଙ୍କ ବାହାଘର ତାଲିକାରେ ଏହି ଯୋଡ଼ିଙ୍କ ବାହାଘର ଯୋଡ଼ି ହୋଇଯାଇଛି। ଗତ ବର୍ଷ ଭାରତୀୟ କ୍ରିକେଟ୍ ଦଳର ଅଧିନାୟକ ବିରାଟ କୋହଲି ଏବଂ ଅଭିନେତ୍ରୀ ଅନୁଷ୍କାଙ୍କ ବାହାଘର ବେଶ୍ ଚର୍ଚ୍ଚାରେ ଥିଲା। ସେହିଭଳି ଭାରତୀୟ ଟେନିସ୍ ତାରକା ସାନିଆ ମିର୍ଜା ଏବଂ ପାକିସ୍ତାନ କ୍ରିକେଟର୍ ଶୋଏବ୍ ମାଲିକ୍ଙ୍କ ବାହାଘର ମଧ୍ୟ ସେହି ତାଲିକାରେ ସ୍ଥାନ ପାଇଥିଲା।