କୋଲକୋତା: ଭାରତ, ବାଂଲାଦେଶ ଓ ଆଫଗାନସ୍ତାନକୁ ନେଇ ଚାଲିଥିବା ୧୯ବର୍ଷରୁ କମ୍ ତ୍ରିକୋଣୀୟ ଶୃଙ୍ଖଳାର ଫାଇନାଲ ଲାଇନ୍ ଅପ୍ ଚୂଡାନ୍ତ ହୋଇଛି। ଫାଇନାଲ ମୁକାବିଲା ଭାରତ ଓ ବାଂଲାଦେଶ ମଧ୍ୟରେ ହେବ। ଏହି ମ୍ୟାଚ୍ ଆସନ୍ତା ରବିବାର କୋଲକାତାର ଯାଦବପୁର ବିଶ୍ୱବିଦ୍ୟାଳୟ କ୍ୟାମ୍ପସରେ ଖେଳାଯିବ। ପୂର୍ବରୁ ୩ଟି ମ୍ୟାଚ ଜିତି ଭାରତ ୧୩ ପଏଣ୍ଟ ଓ ବାଂଲାଦେଶ ୧୦ ପଏଣ୍ଟ ପାଇ ଫାଇନାଲକୁ ଯାଇଛନ୍ତି।
ବୁଧବାର କୋଲକାତାରେ ବାଂଲାଦେଶ ଓ ଆଫଗାନସ୍ତାନ ମଧ୍ୟରେ ଏକ ଗୁରୁତ୍ୱପୂର୍ଣ୍ଣ ମ୍ୟାଚ ଖେଳାଯାଇଥିଲା। ଏଥିରେ ଆଫଗାନସ୍ତାନକୁ ୮ ୱିକେଟରେ ବାଂଲାଦେଶ ଟିମ। ପ୍ରଥମେ ବ୍ୟାଟିଂ କରି ଆଫଗାନିସ୍ତାନ ମାତ୍ର ୨୬.୨ ଓଭରରେ ସମସ୍ତ ୱିକେଟ ହରାଇ ୯୯ ରନ ସଂଗ୍ରହ କରିଥିଲା। ୧୦୦ ରନର ବିଜୟ ଲକ୍ଷ୍ୟକୁ ବାଂଲାଦେଶ ଦଳ ଦୁଇ ୱିକେଟ ହରାଇ ହାସଲ କରି ନେଇଥିଲା। ଫାଇନାଲ ଲାଇନ୍ ଅପ୍ ଚୂଡାନ୍ତ ହୋଇସାରିଥିବା ବେଳେ ଶୁକ୍ରବାର ଭାରତ ତାର ପରବର୍ତ୍ତି ମ୍ୟାଚରେ ଆଫଗାନସ୍ତାନକୁ ଭେଟିବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
