ଖୁସି ଖବର: ଆଜି ରାତିରେ ମ୍ୟାଚ୍‌ ଦେଖିବା ପାଇଁ ଭୁବନେଶ୍ୱରରେ ଫ୍ୟାନପାର୍କର ବ୍ୟବସ୍ଥା କଲା ବିସିସିଆଇ

<p>ଭୁବନେଶ୍ୱର(ଓଡ଼ିଶା ରିପୋର୍ଟର): &nbsp;ଭୁବନେଶ୍ୱର କ୍ରିକେଟ ପ୍ରେମୀଙ୍କ ପାଇଁ ଖୁସି ଖବର। ଆଜି ରାତିରେ ଖେଳାଯିବାକୁ ଥିବା ଚେନ୍ନାଇ ସୁପର କିଙ୍ଗସ୍&zwnj; ଏବଂ ସନ ରାଇଜର୍ସ ହାଇଦ୍ରାବାଦ ପ୍ଲେ-ଅଫ ମ୍ୟାଚ୍&zwnj; ବଡ ସ୍କ୍ରିନରେ ଦେଖି ଷ୍ଟାଡ଼ିୟମର ମଜା ନେଇ ପାରିବେ। କିଟ୍ ଷ୍ଟାଡ଼ିୟମରେ ବିସିସିଆଇ ଆଇପିଏଲ ପକ୍ଷରୁ ଏହି ଫ୍ୟାନପାର୍କ ଆୟୋଜନ କରାଯାଇଛି।&nbsp; ମାଗଣାରେ ଦର୍ଶକମାନେ ଏଠାରେ ବସି ମ୍ୟାଚ୍&zwnj; ଦେଖିବା ସହ ବିଭିନ୍ନ ପୁରସ୍କାର ପାଇ ପାରିବେ ବୋଲି ଏକ ସାମ୍ବାଦିକ ସମ୍ମିଳନୀରେ ଆଇପିଏଲ ଫ୍ୟାନପାର୍କ ପକ୍ଷରୁ ସୂଚନା ଦିଆଯାଇଛି।</p> <p>ଆଇପିଏଲ ମହାସମରରେ ଆଜି ପ୍ରଥମ ପ୍ଲେ ଅଫ୍ ମ୍ୟାଚରେ ମୁହାଁମୁହିଁ ହେବେ ସନରାଇଜର୍ସ ହାଇଦ୍ରାବାଦ ଓ ଚେନ୍ନାଇ ସୁପର କିଙ୍ଗସ୍&zwnj;। ସନ୍ଧ୍ୟା ୭ଟାରେ ମୁମ୍ବାଇର ୱାଙ୍ଖଡେ ଷ୍ଟାଡିୟମରେ ଏହି ମ୍ୟାଚ୍&zwnj; ଖେଳାଯିବ।</p> <p>ଏହି ଦୁଇ ଟିମ୍ ଲିଗରେ ଉଭୟ ସମାନ ୯ଟି ଲେଖାଏଁ ମ୍ୟାଚ୍ ଜିତିଥିବା ବେଳେ ହାଇଦ୍ରାବାଦ ପଏଣ୍ଟ ଟେବୁଲର ଶୀର୍ଷରେ ରହିଛି। ହାଇଦ୍ରାବାଦ ଟିମ୍&zwnj;ରେ ଅଛନ୍ତି କେନ୍ ୱିଲିମିନ୍ସ, ଶିଖର ଧାୱନ, ସାକିବୁଲ୍ ହାସାନ୍ ଓ ମନିଷ ପାଣ୍ଡେଙ୍କ ଭଳି ବ୍ୟାଟ୍ସମ୍ୟାନ। ଏମାନେ ଯେକୌଣସି ପରିସ୍ଥିତିରେ ବି ମ୍ୟାଚର ମୋଡ଼ ବଦଳାଇ ପାରନ୍ତି।</p> <p>ହାଇଦ୍ରାବାଦ ଅଧିନାୟକ ୱିଲିମିନ୍ସ ୧୪ଟି ମ୍ୟାଚରୁ ୬୬୧ରନ କରି ଅରେଞ୍ଜ କ୍ୟାପ ଦୌଡ଼ରେ ଅଛନ୍ତି। ସେହିପରି ବୋଲିଂ ଭାର ସମ୍ଭାଳିବେ ରସିଦ୍ ଖାନ୍ ଓ ଭୁବନେଶ୍ୱର କୁମାର। &nbsp;ତେବେ ଦଳ ପାଇଁ ଟ୍ରମ୍ପ କାର୍ଡ ରସିଦ ଖାନ୍&nbsp; ୧୪ଟି ମ୍ୟାଚରୁ ୧୬ଟି ଓ୍ୱିକେଟ ହାସଲ କରିଛନ୍ତି।</p> <p>ଅନ୍ୟପଟେ ଦୁଇ ଦୁଇଥର ଚାମ୍ପିଅନ୍ ଚେନ୍ନାଇ ସୁପର କିଙ୍ଗସର ଚଳିତ ବର୍ଷ ରେକର୍ଡ ବି ଭଲ। &nbsp;ଲିଗ୍ ମ୍ୟାଚରେ ଉଭୟେ ଦୁଇ ଥର ମୁହାଁମୁହିଁ ହୋଇଥିବା ବେଳେ ସବୁଥର ହା୍ଇଦ୍ରାବାଦକୁ ମାତ୍ ଦେଇଛି ଧୋନି ବାହିନୀ। ଆଜି ବି ହାଇଦ୍ରାବାଦକୁ ଚକମା ଦେବା ଲକ୍ଷ୍ୟରେ ରହିଛନ୍ତି କ୍ୟାପଟନ ମହେନ୍ଦ୍ର ସିଂ ଧୋନୀ। ସେ ୧୪ଟି ମ୍ୟାଚରୁ ବର୍ତ୍ତମାନ ସୁଦ୍ଧା ୪୪୬ ରନ୍ କରିଛନ୍ତି।&nbsp; ଆଉ ମାତ୍ର ୧୫ ରନ ସଂଗ୍ରହ କଲେ ସେ ଗୋଟିଏ ସିଜିନରେ ବ୍ୟକ୍ତିଗତ ଭାବେ ସର୍ବାଧିକ ରନ କରିବାର ରେକର୍ଡଧାରୀ ହେବେ।</p> <p>ଆଜିର ମ୍ୟାଚରେ ଯେଉଁଟିମ୍ ଜିତିବ, ସିଧାସଳଖ ଫାଇନାଲକୁ ଯିବ। ପରାଜିତ୍ ଟିମ୍ ପାଇଁ ମଧ୍ୟ ଆଉ ଏକ ସୁଯୋଗ ରହିଛି ।</p> <p>&amp;nbsp;</p>