କଟକ (ଓଡ଼ିଶା ରିପୋର୍ଟର): କଟକ ବାରବାଟୀ ଷ୍ଟାଡିୟମରେ ଡିସେମ୍ୱର ୨୦ ତାରିଖରେ ହେବ ଭାରତ ଓ ଶ୍ରୀଲଙ୍କା ମଧ୍ୟରେ ଟି-୨୦ ମ୍ୟାଚ୍। ଏଥିପାଇଁ ଡିସେମ୍ବର ୧୬ ଓ ୧୭ରେ କାଉଣ୍ଟରରେ ଟିକେଟ ବିକ୍ରି ହେବ। ୧୪ ଓ ୧୫ରେ ଓସିଏ ଅନୁବନ୍ଧିତ ସଂସ୍ଥାଙ୍କ ପାଇଁ ଟିକେଟ ବିକ୍ରି ହେବ।
ଚଳିତ ବର୍ଷ କ୍ରିକେଟ୍ ମ୍ୟାଚ ଦେଖିବାକୁ ଆସୁଥିବା ସାଧାରଣ ଦର୍ଶକଙ୍କ ପାଇଁ ୨୨, ୦୪୧ ଟିକେଟ ରହିଛି। ଗ୍ୟାଲେରୀ ୧ ଓ ୩ ପାଇଁ ଟିକେଟ ମୂଲ୍ୟ ୬୦୦ ଟଙ୍କା, ଗ୍ୟାଲେରୀ ୨ ଓ ୪ ପାଇଁ ଟିକେଟ ମୂଲ୍ୟ ୫୦୦ ଟଙ୍କା, ଗ୍ୟାଲେରୀ ୬ ଓ ୭ ପାଇଁ ଟିକେଟ ମୂଲ୍ୟ ୪୦୦ ଟଙ୍କା ରହିଛି। ସ୍ପେଶାଲ ଏନକ୍ଲୋଜର ପାଇଁ ୩୦୦୦ ଓ ନ୍ୟୁ ପାଭିଲିଅନ ୫୦୦୦ ଟଙ୍କା ରହିଛି।