ପ୍ରଦୂଷଣକୁ ନେଇ ଶ୍ରୀଲଙ୍କା କ୍ରିକେଟ ବୋର୍ଡ ବିସିସିଆଇକୁ ମାଗିଲା ଜବାବ: ଆଇସିସି କରିବ ତର୍ଜମା

ଭୁବନେଶ୍ୱର (ଓଡ଼ିଶା ରିପୋର୍ଟର): ଶ୍ରୀଲଙ୍କା ବିପକ୍ଷ ଅନ୍ତିମ ଟେଷ୍ଟ ଦିଲ୍ଲୀ କୋଟଲାରେ ଆୟୋଜନ କରିବା କେତେ ଦୂର ଠିକ୍ ଥିଲା ତାର ତଦନ୍ତ କରିବ ଏକ ମେଡିକାଲ୍ ଟିମ୍। ଆଇସିସି ପକ୍ଷରୁ ଏହା କୁହାଯାଇଛି ଆସନ୍ତା ଫେବୃଆରୀରେ ଆଇସିସି ବୈଠକରେ ଏ ସଂକ୍ରାନ୍ତରେ ସଂପୂର୍ଣ୍ଣ ଆଲୋଚନା ହେବ। ଏଥିସହ ମ୍ୟାଚ୍ ଆୟୋଜନ ପୂର୍ବରୁ ପରିବେଶକୁ ନେଇ ନୂଆ ଗାଇଡ ଲାଇନ୍ ଜାରି କରିପାରେ ମେଡିକାଲ ଟିମ୍। ଯାହାଫଳରେ କୋଟଲାରେ ମ୍ୟାଚ ଆୟୋଜନ ନେଇ ପୁଣି ଆଶଙ୍କା ସୃଷ୍ଟି ହୋଇଛି। ଅନ୍ତିମ ଟେଷ୍ଟରେ ଶ୍ରୀଲଙ୍କା ଖେଳାଳିମାନେ ଦିଲ୍ଲୀ ପ୍ରଦୂଷଣକୁ ନେଇ ପଡ଼ିଆରେ ଅସୁସ୍ଥ ଅନୁଭବ କରିଥିଲେ। ଯାହାକୁ ନେଇ ଶ୍ରୀଲଙ୍କା କ୍ରିକେଟ ବୋର୍ଡ ବିସିସିଆଇକୁ ଜବାବ ମାଗିଥିଲା।