ଲଣ୍ଡନ: ଗୁରୁବାରଠାରୁ ଅଷ୍ଟ୍ରେଲିଆ ବିପକ୍ଷ ଖେଳାଯିବାକୁଥିବା ପଞ୍ଚମ ତଥା ଅନ୍ତିମ ଆଶେସ୍ ଟେଷ୍ଟ୍ ପାଇଁ ଇଂଲଣ୍ଡ ତା'ର ଚୂଡ଼ାନ୍ତ ଦଳର ଘୋଷଣା କରିଛି। ସ୍କ୍ୱାଡରୁ ଜେସନ୍ ରୟଙ୍କୁ ବାଦ୍ ଦିଆଯାଇଛି। ଇଂଲଣ୍ଡ ଟିମ୍ ସିରିଜକୁ ୨-୨ରେ ବରାବର କରିବାକୁ ଲକ୍ଷ୍ୟ ରଖିଛି। ଓଭାଲରେ ହେବାକୁଥିବା ଏହି ମୁକାବିଲାରେ ପେସ୍ ବୋଲର କ୍ରେଗ୍ ଓଭରଟନଙ୍କୁ ମଧ୍ୟ ସାମିଲ୍ କରାଯାଇନାହିଁ।
ସାମ୍ କୁରାନ୍ ଓ କ୍ରିସ୍ ଓକ୍ସଙ୍କୁ ଚୂଡ଼ାନ୍ତ ସ୍କ୍ୱାଡରେ ସୁଯୋଗ ମିଳିଛି। ଇଂଲଣ୍ଡ ଆଣ୍ଡ ୱେଲ୍ସ କ୍ରିକେଟ୍ ବୋର୍ଡ (ଇସିବି) ସ୍ପଷ୍ଟ କରିଛି ଯେ, କାନ୍ଧରେ ଆଘାତ କାରଣରୁ ବେନ୍ ଷ୍ଟୋକ୍ସ କେବଳ ସ୍ପେଶାଲିଷ୍ଟ ବ୍ୟାଟ୍ସମ୍ୟାନ୍ ଭାବେ ଖେଳିବେ। ସିରିଜ୍ ଡ୍ର' କରିବା ପାଇଁ ଇଂଲଣ୍ଡକୁ ଓଭାଲ ଟେଷ୍ଟ ଜିତିବାକୁ ପଡ଼ିବ। ତେବେ ଅଷ୍ଟ୍ରେଲିଆ ପୂର୍ବରୁ ହିଁ ଆଶେସ୍ ସିରିଜ୍ ବଜାୟ ରଖିସାରିଛି।
ଇଂଲଣ୍ଡ ସ୍କ୍ୱାଡ୍: ଜୋ ରୁଟ୍ (କ୍ୟାପଟେନ), ଜୋଫ୍ରା ଆର୍ଚର୍, ଜନ୍ନି ବେୟାରଷ୍ଟୋ (ୱିକେଟକିପର), ଷ୍ଟୁଆର୍ଟ ବ୍ରଡ୍, ରୋରୀ ବର୍ନସ୍, ଜୋସ ବଟଲର, ସାମ୍ କୁରାନ୍, ଜୋ ଡେନଲୀ, ଜ୍ୟାକ୍ ଲିଚ୍, ବେନ୍ ଷ୍ଟୋକ୍ସ, କ୍ରିସ୍ ଓକ୍ସ।