ଲର୍ଡ୍ସ୍ ଦିନିକିଆ: ଟସ୍‌ ଜିତି ଇଂଲଣ୍ଡର ବ୍ୟାଟିଂ ନିଷ୍ପତ୍ତି

ଭୁବନେଶ୍ୱର(ଓଡ଼ିଶା ରିପୋର୍ଟର): ଐତିହାସିକ ଲର୍ଡ୍ସ୍‌ ଗ୍ରାଉଣ୍ଡରେ ଇଣ୍ଡିଆ ଓ ଇଂଲଣ୍ଡ ମଧ୍ୟରେ ଆଜି ଦ୍ୱିତୀୟ ଦିନିକିଆ ଖେଳାଯାଉଛି। ଆଜିର ମ୍ୟାଚ୍‌ରେ ଇଂଲଣ୍ଡ ଟସ୍‌ ଜିତି ପ୍ରଥମେ ବ୍ୟାଟିଂ କରୁଛି। ଜସନ୍‌ ରୟ ଓ ଜନି ବେର୍ଷ୍ଟୋ ଇଂଲଣ୍ଡର ପାଳି ଆରମ୍ବ କରିଥିଲେ। ହେଲେ ୧୧ ତମ ଓଭରରେ ଜନି ବେର୍ଷ୍ଟୋଙ୍କୁ ଆଉଟ୍‌ କରି ଇଂଲଣ୍ଡକୁ ପ୍ରଥମ ଝଟ୍‌କା ଦେଇଥିଲେ ଗତ ମ୍ୟାଚ୍‌ର ହିରୋ କୁଲଦୀପ ଯାଦାବ। କୁଲଦୀପ ତାଙ୍କର ପ୍ରଥମ ସ୍ପେଲ୍‌ରେ ଏହି ସଫଳତା ହାତେଇଛନ୍ତି।

Image result for india vs england

୩ ଟିକିଆ ବିଶିଷ୍ଟ ଦିନିକିଆ ସିରିଜ୍‌ରେ ଭାରତ ପ୍ରଥମ ମ୍ୟାଚ୍‌ ଜିତିଥିବା ବେଳେ ଆଜିର ମ୍ୟାଚ୍‌ ଜିତି ସିରିଜ୍‌ କବ୍‌ଜା କରିବାକୁ ଚେଷ୍ଟା କରିବ। ଭାରତ ପୂର୍ବରୁ ଟି-ଟ୍ୱେଣ୍ଟି ସିରିଜକୁ  ୨-୧ରେ ହାତେଇ ସାରିଛି। ଏକ ଲମ୍ବା ସିରିଜ ପାଇଁ ଇଂଲଣ୍ଡ ଗସ୍ତରେ ଅଛି ଟିମ୍‌ ଇଣ୍ଡିଆ। ଯେଉଁଥିରେ ୩ଟି ଟି-ଟ୍ୱେଣ୍ଟି ଓ ୩ଟି ଦିନିକିଆ ପରେ ୫ଟି ଟେଷ୍ଟ ମ୍ୟାଚ୍‌ ଖେଳିବାର କାର୍ଯ୍ୟକ୍ରମ ରହିଛି। ଦୀର୍ଘ ୭ ବର୍ଷ ପରେ ଲର୍ଡ୍ସ୍‌ରେ ଉଭୟ ଟିମ୍‌ ସାମ୍ନାସାମ୍ନି ହୋଇଛନ୍ତି।

Image result for india vs england