ରଷିଆନ୍ ବକ୍ସିଂ କ୍ୱାର୍ଟରରେ ଗୌରବ ଓ ପିଙ୍କି

ନୂଆଦିଲ୍ଲୀ: ରୁଷରେ ଚାଲିଥିବା ମାମୋମଦ୍ ସଲାମ୍ ଉମାଖାନୋଭ୍ ମେମୋରିଆଲ୍ ଇଣ୍ଟରନ୍ୟାଶନାଲ୍ ବକ୍ସିଂ ଟୁର୍ଣ୍ଣାମେଣ୍ଟରେ ଭାରତର ଗୌରବ ସୋଲାଙ୍କି ଓ ପିଙ୍କି ଜାଙ୍ଗରା କ୍ୱାର୍ଟରଫାଇନାଲରେ ପ୍ରବେଶ କରିଛନ୍ତି।

ଗତବର୍ଷ ରାଜ୍ୟଗୋଷ୍ଠୀ କ୍ରୀଡ଼ା ସ୍ୱର୍ଣ୍ଣ ପଦକ ବିଜେତା ଗୌରବ (୫୬ କେଜି) ରୁଷର ମୁରାଦ ରାବାଦାନୋଭଙ୍କୁ ୫-୦ ପଏଣ୍ଟରେ ହରାଇଛନ୍ତି। ସେହିପରି ୨୦୧୪ ରାଜ୍ୟଗୋଷ୍ଠୀ କ୍ରୀଡ଼ା ବ୍ରୋଞ୍ଜ ପଦକ ବିଜେତା ଜାଙ୍ଗରା (୫୧ କେଜି) ବେଲାରୁଷର ବୁରିମ୍ ୟାନାଙ୍କୁ ସମାନ ବ୍ୟବଧାନରେ ପରାସ୍ତ କରି ଅନ୍ତିମ-୮ରେ ସ୍ଥାନ ହାସଲ କରିଛନ୍ତି।

ଗତବର୍ଷ ଇଣ୍ଡିଆ ଓପନରେ ସ୍ୱର୍ଣ୍ଣ ପଦକ ଜିତିଥିବା ଭାରତର ଅନ୍ୟତମ ବକ୍ସର ନୀରଜ (୫୭ କେଜି) ମଙ୍ଗୋଲିଆର ଗେରେରସିମେଗ୍ ନ୍ୟାମସୁରେନଙ୍କୁ ହରାଇ କ୍ୱାର୍ଟରରେ ପହଞ୍ଚିଛନ୍ତି। ଚଳିତ ଟୁର୍ଣ୍ଣାମେର୍ଣ୍ଣରେ ୨୦ ଦେଶର ୨୫୦ଜଣ ବକ୍ସର ଭାଗ ନେଇଛନ୍ତି।