ଅଷ୍ଟ୍ରେଲିଆକୁ ୯ ୱିକେଟ୍‌ରେ ହରାଇ ରାଞ୍ଚି ଟି-ଟ୍ୱେଣ୍ଟିକୁ କବ୍‌ଜା କଲା ଭାରତ

ଭୁବନେଶ୍ୱର (ଓଡ଼ିଶା ରିପୋର୍ଟର): ରାଞ୍ଚି ଟି-ଟ୍ୱେଣ୍ଟିକୁ କବ୍‌ଜା କଲା ଭାରତ। ୯ୱିକେଟ୍‌ରେ ଅଷ୍ଟ୍ରେଲିଆକୁ ପରାସ୍ତ କରି ଚଳିତ ଟି-ଟ୍ୱେଣ୍ଟି ସିରିଜର ପ୍ରଥମ ବିଜୟ ହାସଲ କରିଛି ଭାରତ। ଏହି ବିଜୟ ସହ ୩ଟିକିଆ ଟି-ଟ୍ୱେଣ୍ଟି ସିରିଜରେ ଭାରତ ୧-୦ରେ ଅଗ୍ରଣୀ ଲାଭ କରିଛି। ମ୍ୟାଚରେ ବର୍ଷା ବାଧକ ସାଜିଥିବା ସତ୍ତ୍ୱେ ଡିଏଲ୍ ନିୟମ ଅନୁସାରେ ଭାରତ ସହଜରେ ବିଜୟୀ ହୋଇଛି। ଭାରତ ସମ୍ମୁଖରେ ୬ ଓଭରରେ ୪୮ ରନର ଲକ୍ଷ୍ୟ ରଖାଯାଇଥିଲା। ଯାହାକୁ ଭାରତ ସହଜରେ ହାସଲ କରିନେଇଛି। ଭାରତ ପକ୍ଷରୁ ଧାୱନ ୧୫ ରନ କରିଥିବା ବେଳେ କୋହଲି ୨୨ ରନର ଅପରାଜିତ ପାଳି ଖେଳି ଦଳକୁ ଜିତାଇଥିଲେ। ପୂର୍ବରୁ ଅଷ୍ଟ୍ରେଲିଆ ପ୍ରଥମେ ବ୍ୟାଟିଂ କରି ୧୮.୪ ଓଭରରେ ୮ୱିକେଟ୍ ହରାଇ ୧୧୮ ରନ କରିଥିବା ବେଳେ ବର୍ଷା ବାଧକ ସାଜିଥିଲା। ଫଳରେ ମ୍ୟାଚକୁ ଦୀର୍ଘ ସମୟ ଧରି ବନ୍ଦ ରଖାଯାଇଥିଲା। ପରେ ବର୍ଷା ଛାଡିବା ପରେ ପୁଣିଥରେ ମ୍ୟାଚ ଆରମ୍ଭ ହୋଇଥିଲା। ଡିଏଲ୍ ନିୟମ ଅନୁସାରେ ମ୍ୟାଚ୍‌ ଜିତିବାକୁ ହେଲେ ଭାରତକୁ ୬ ଓଭରରେ ୪୮ ରନ କରିବାକୁ ଲକ୍ଷ୍ୟ ଧାର୍ଯ୍ୟ କରାଯାଇଥିଲା। ଯାହାକୁ ଭାରତ ମାତ୍ର ୫.୩ ଓଭରରେ ୧ ୱିକେଟ୍‌ ହରାଇ ହାସଲ କରିନେଇଛି।