ନୂଆଦିଲ୍ଲୀ: ଇଣ୍ଡିଆନ୍ ପ୍ରିମିୟର ଲିଗର 13 ତମ ସିଜନ୍ ଆଉ ଦୁଇ ସପ୍ତାହ ପରେ ଆରମ୍ଭ ହେବ। ତେବେ ମ୍ୟାଚ ସୂଚୀ ନେଇ ସୂଚନା ଦେଇଛନ୍ତି ଆଇପିଏଲ ଅଧ୍ୟକ୍ଷ ବ୍ରିଜେଶ ପଟେଲ। ସେପ୍ଟେମ୍ବର 4 ରେ ଏହି ସୂଚୀ ପ୍ରକାଶ ପାଇବ ବୋଲି ଚର୍ଚ୍ଚା ହେଉଥିଲା କିନ୍ତୁ ଏବେ ଏହା ରବିବାର ଅର୍ଥାତ୍ ସେପ୍ଟେମ୍ବର 6ରେ ପ୍ରକାଶ ପାଇବ ବୋଲି ବ୍ରିଜେଶ ସୂଚନା ଦେଇଛନ୍ତି।
ବ୍ରିଜେଶ ପଟେଲ କହିଛନ୍ତି ଯେ ୟୁଏଇରେ ସେପ୍ଟେମ୍ବର 19 ରୁ ଆରମ୍ଭ ହେବ ଆଇପିଏଲ୍। କାର୍ଯ୍ୟସୂଚୀ ରବିବାର ପ୍ରକାଶ ପାଇବ। ଏହାପୂର୍ବରୁ ବିସିସିଆଇ ସଭାପତି ସୌରଭ ଗାଙ୍ଗୁଲି ଏକ ନ୍ୟୁଜ ଚ୍ୟାନେଲକୁ ସାକ୍ଷାତକାର ଦେବା ଅବସରରେ କହିଥିଲେ କାର୍ଯ୍ୟସୂଚୀ 4 ସେପ୍ଟେମ୍ବରରେ ପ୍ରକାଶ ପାଇବ। ହେଲେ ଶନିବାର ଅପରାହ୍ନ ପର୍ଯ୍ୟନ୍ତ କାର୍ଯ୍ୟସୂଚୀ ପ୍ରକାଶ ନପାଇବା ପରେ ବିଳମ୍ୱ ହୋଇପାରେ ବୋଲି ଚର୍ଚ୍ଚା ହେଉଥିଲା।