ମୁମ୍ବାଇ: ନ୍ୟୁଜିଲ୍ୟାଣ୍ଡ୍ କ୍ରିକେଟ୍ ଟିମର ପୂର୍ବତନ କ୍ୟାପଟେନ୍ ବ୍ରେଣ୍ଡନ୍ ମ୍ୟାକକୁଲମ ଆଇପିଏଲ୍ ଟିମ୍ କୋଲକାତା ନାଇଟ୍ ରାଇଡର୍ସ (କେକେଆର୍)ର କୋଚ୍ ଭାବେ ନିଯୁକ୍ତ ହୋଇଛନ୍ତି। ସେ ପ୍ରଥମେ ୨୦୦୮ରୁ ୨୦୧୦ ପର୍ଯ୍ୟନ୍ତ କେକେଆର ପକ୍ଷରୁ ଆଇପିଏଲ୍ ଖେଳିଥିଲେ ଏବଂ ଏହା ପରେ ୨୦୧୨-୧୩ରେ ମଧ୍ୟ ଏହି ଟିମ୍ ପାଇଁ ଖେଳିଥିଲେ।
ସେ ୨୦୧୨ରେ ଆଇପିଏଲ୍ ବିଜେତା ଟିମର ସଦସ୍ୟ ମଧ୍ୟ ଥିଲେ। ସେ କ୍ୟାରିବିୟାନ୍ ପ୍ରିମିୟର୍ ଲିଗ୍ (ସିପିଏଲ୍)ରେ ୨୦୧୬-୧୮ ପର୍ଯ୍ୟନ୍ତ ତ୍ରିନବାଗୋ ନାଇଟ୍ ରାଇଡର୍ସ ଟିମର ସଦସ୍ୟ ଥିଲେ। ଏହା ମଧ୍ୟରେ ୨୦୧୭ ଓ ୨୦୧୮ରେ ଏହି ଟିମ୍ ବିଜେତା ହୋଇଥିଲା।
ମ୍ୟାକକୁଲମ୍ କହିଛନ୍ତି, "ଏହି ଦାୟିତ୍ୱକୁ ସମ୍ଭାଳିବା ମୋ ପାଇଁ ବଡ଼ ସମ୍ମାନର କଥା। ଆଇପିଏଲରେ କେକେଆର୍ ଏହ ପ୍ରତିଷ୍ଠିତ ଟିମ୍। ଆମ ପାଖରେ ଆଇପିଏଲରେ କେକେଆର୍ ଏବଂ ସିପିଏଲରେ ଟିକେଆର୍ ଭଳି ଦମଦାର ଟିମ୍ ଅଛି। ମୁଁ ସହଯୋଗୀ ଷ୍ଟାଫଙ୍କ ସହ ମିଶି ଫ୍ରାଞ୍ଚାଇଜିର ସଫଳତାକୁ ଆଗକୁ ବଢ଼ାଇବାକୁ ପ୍ରୟାସ କରିବି।"