ଆଇପିଏଲ ସ୍ପଟ ଫିକ୍ସିଂ ଏବଂ ବେଟିଂ ମାମଲା: ଆଜି ଆସିବ ଗୁରୁତ୍ୱପୂର୍ଣ୍ଣ ରାୟ

ନୂଆଦିଲ୍ଲୀ: ଆଇପିଏଲ ସ୍ପଟ ଫିକ୍ସିଂ ଏବଂ ବେଟିଂ ମାମଲାରେ ଆଜି ଆସିବ ଗୁରୁତ୍ୱପୂର୍ଣ୍ଣ ରାୟ। ସୁପ୍ରିମକୋର୍ଟଙ୍କ ଦ୍ୱାରା ନିଯୁକ୍ତ ପ୍ୟାନେଲ ଏହି ମାମଲାର ଦଣ୍ଡବିଧାନ କରିବେ। ମାମଲାର ଦୋଷୀ ସାବ୍ୟସ୍ତ ଚେନ୍ନାଇ ସୁପର କିଙ୍ଗସର ଟପ୍ ଅଫିସିଆଲ ଗୁରୁନାଥ ମୈୟାପାନ ଏବଂ ରାଜସ୍ଥାନ ରୟାଲ୍ସର କୋ-ଓନର ରାଜ କୁନ୍ଦ୍ରାଙ୍କ ଦଣ୍ଡର ପରିମାଣ ସହ ଦୁଇଟି ଟିମରେ ମଧ୍ୟ ହେବ ଭାଗ୍ୟ ନିର୍ଦ୍ଧାରଣ ହେବ। ଆଜିର ଶୁଣାଣି ଉପରେ ମଧ୍ୟ ନିର୍ଭର କରୁଛି ଆଇପିଏଲର ଦୁଇ ପ୍ରମୁଖ ଟିମ ଚେନ୍ନାଇ ସୁପରକିଙ୍ଗ ଓ ରାଜସ୍ଥାନ ରୟାଲସ୍ସର ଭାଗ୍ୟ। ଏହି ଦୁଇଟି ଟିମ୍ ବ୍ୟାନ ହେବ ନା ଜୋରିମାନାରେ ଦଣ୍ଡିତ ହେବେ ତାକୁ ନେଇ ଆଶା ଆଶଙ୍କାରେ କ୍ରିକେଟର।

୨୦୧୩ ଆଇପିଏଲ ସିଜିନର ସାମ୍ମାନକୁ ଆସିଥିଲା ଏହି ବିବାଦ। ସ୍ପଟ୍ ଫିକ୍ସିଂ ଅଭିଯୋଗରେ ଦିଲ୍ଳୀ ପୋଲିସ ଦ୍ୱାରା ଗିରଫ ହୋଇଥିଲେ ୩ ଜଣ କ୍ରିକେଟର। ସେମାନେ ହେଲେ ଏସ୍ ଶ୍ରୀଶାନ୍ଥ, ଅଙ୍କିତ ଚ୍ୱହାନ୍ ଓ ଅଜିତ୍ ଚାନ୍ଦେଲା। ଏମାନଙ୍କ ସହ ଗିରଫ ହୋଇଥିଲେ ୧୧ ଜଣ ବୁକି। ତେବେ ପରେ ଏହି ୩ କ୍ରିକେଟର ଜାମନରେ ମୁକୁଳି ଯାଇଥିଲେ।

ଏହି ମାମଲାରେ ପୁଣି ବିବାଦ ମୁଣ୍ଡ ଟେକିଥିଲା ଯେତେବେଳେ ବିସିସିଆଇର ପୂର୍ବତନ ସଭାପତି ଏନ୍ ଶ୍ରୀନିବାସଙ୍କ ଜ୍ୱାଇଁ ଗୁରୁନାଥ ମୈୟାପାନଙ୍କ ସପୃକ୍ତି ନେଇ ପୋଲିସ ସମନ  କରିଥିଲା। ପରେ ତାଙ୍କୁ ଏହି ମାମଲାରେ ଗୁରୁନାଥ ମୈୟାପାନଙ୍କୁ ଗିରଫ କରାଯାଇଥିଲା। ଏହାପରେ ଏହି ମାମଲାରେ ରାଜସ୍ଥାନ ରୟାଲସ ସହ ମାଲିକ ରାଜ କୁନ୍ଦ୍ରାଙ୍କ ନାଁ ମଧ୍ୟ ବିବାଦ ଘେରକୁ ଆସିଥିଲା। ବେଟିଂରେ ତାଙ୍କ ସଂପୃକ୍ତି ନେଇ ଦୋଷ ସ୍ୱିକାର କରିଥିବା ଦିଲ୍ଲୀ ପୋଲିସ କହିଥିଲା।

ତେବେ ବିସିସିଆଇ ଦ୍ୱାରା ଗଠିତ ତଦନ୍ତ ପ୍ୟାନେଲ ଏହି ଦୁଇ ଅଧିକାରୀଙ୍କ ବିରୋଧରେ ପ୍ରମାଣ ମିଳିନଥିବା କହିଥିଲା। ପରେ ସୁପ୍ରିମକୋର୍ଟ ଏହି ମାମଲାର ତଦନ୍ତ ପାଇଁ ଜଷ୍ଟିସ ମୁକୁଳ ମୁଦଗରଙ୍କ ଅଧ୍ୟକ୍ଷତାରେ ଏକ କମିଟି ଗଠନ କରିଥିଲେ।  ଚଳିତବର୍ଷ ଜାନୁଆରୀରେ ଏହି ମାମଲାର ଶୁଣାଣି କରି ସୁପ୍ରିମକୋର୍ଟ ଦୋଷୀ ସାବ୍ୟସ୍ତ ମୈୟାପାନ ଏବଂ କୁଦ୍ରାଙ୍କ ଦଣ୍ଡ ବିଧାନ ପାଇଁ ଜଷ୍ଟିସ ଲୋଧାଙ୍କ ଅଧ୍ୟକ୍ଷତାରେ ଏକ କମିଟି  ଗଠନ କରିଥିଲେ।

ଆହୁରି ପଢ଼ନ୍ତୁ

ଧୋନିଙ୍କୁ ଜନ୍ମଦିନର ଶୁଭେଚ୍ଛା ଜଣାଇ ଏମିତି ଟ୍ୱିଟ୍ କଲେ ସେହୱାଗ୍ ଓ କୈଫ

ସଚିନ ଓପନ କରନ୍ତି, ହେଲେ କାହିଁକି ପ୍ରଥମ ବଲ୍‌ ଷ୍ଟ୍ରାଇକ୍‌ କରନ୍ତି ନାହିଁ? ଗୁମର ଖୋଲିଲେ ଦାଦା

‘ଜଣେ କାହା ସହିତ କୌଣସି ସମୟରେ ପ୍ରେମରେ ପଡ଼ିପାରେ’

ବରିଷ୍ଠ ଖେଳାଳିଙ୍କୁ ଜେରା ପରେ ୨୦୧୧ ବିଶ୍ୱକପ୍ ଫିକ୍ସିଂ ଅଭିଯୋଗର ତଦନ୍ତ ଉପରେ ରୋକ ଲଗାଇଲା ଶ୍ରୀଲଙ୍କା

୨୦୧୧ ବିଶ୍ୱକପ ଫିକ୍ସିଂ ହୋଇଥିଲା କି? ସାଙ୍ଗାକାରାଙ୍କୁ ୧୦ ଘଣ୍ଟା ଜେରା

କୋଚଙ୍କ ବେକରେ ଛୁରୀ ଲଗାଇ ଦେଇଥିଲେ ପାକ୍‌ର ଏହି ପୂର୍ବତନ ବ୍ୟାଟସମ୍ୟାନ!

ପରଲୋକରେ ମହାନ କ୍ରିକେଟର ଏଭେରଟନ ଓ୍ୱିକେସ

ଆଇସିସି ଅଧ୍ୟକ୍ଷ ପଦରୁ ଇସ୍ତଫା ଦେଲେ ଶଶାଙ୍କ ମନୋହର

ରବି ଶାସ୍ତ୍ରୀଙ୍କୁ ପୂର୍ବତନ ପାକ୍‌ କ୍ରିକେଟରଙ୍କ ପ୍ରଶଂସା

କିଏ ହେବେ ଆଗାମୀ ଆଇସିସି ଅଧ୍ୟକ୍ଷ?

ଏସିଆ କପ୍ ୟୁଏଇ ଅବା ଶ୍ରୀଲଙ୍କାରେ ହେବ: ପିସିବି

ପୁଣି ୭ ପାକିସ୍ତାନ କ୍ରିକେଟରଙ୍କୁ କରୋନା, ସଂଖ୍ୟା ୧୦ ଛୁଇଁଲା