- Videos
- Special
- ୧୦ ବର୍ଷ ବୟସରେ ଭାରତନାଟ୍ୟମ୍ ଛାଡ଼ି ବ୍ୟାଟ୍ ଧରିଥିଲେ; ଜାଣନ୍ତୁ କେମିତି କ୍ରିକେଟର ହେଲେ ଭାରତୀୟ ମହିଳା ଟିମ୍ର ଅଧିନାୟକ
୧୦ ବର୍ଷ ବୟସରେ ଭାରତନାଟ୍ୟମ୍ ଛାଡ଼ି ବ୍ୟାଟ୍ ଧରିଥିଲେ; ଜାଣନ୍ତୁ କେମିତି କ୍ରିକେଟର ହେଲେ ଭାରତୀୟ ମହିଳା ଟିମ୍ର ଅଧିନାୟକ
- Published: Sunday, 23 July 2017
- , Updated: 23 July 2017, 12:31 PM IST
<p>ଚଳିତ ଆଇସିସି ମହିଳା ବିଶ୍ୱକପ୍‌ର ଫାଇନାଲ୍‌ରେ ଆଜି ମୁହାଁମୁହିଁ ହେବେ ଭାରତ ଓ ଇଂଲଣ୍ଡ। ଭାରତ ଦ୍ୱିତୀୟ ଥର ପାଇଁ ଏହି ପ୍ରତିଯୋଗିତାରେ ଫାଇନାଲ୍‌ରେ ପ୍ରବେଶ କରିଛି। ଦଳର ନେତୃତ୍ୱ ନେଉଛନ୍ତି ମିତାଲି ରାଜ୍। ସେ ତାଙ୍କ କ୍ୟାରିୟରର ପଞ୍ଚମ ବିଶ୍ୱକପ୍ ଖେଳୁଛନ୍ତି। ୩୪ ବର୍ଷୀୟା ମିତାଲି ୧୨ ବର୍ଷ ହେଲାଣି ଟିମ୍ ଇଣ୍ଡିଆର ଅଧିନାୟକ ଅଛନ୍ତି।<br />
<ul><br />
<li>ମିତାଲି ଏକ ତାମିଲ ପରିବାରରେ ଜନ୍ମ ହୋଇଛନ୍ତି। ଛୁଆରୁ ସେ ଶାସ୍ତ୍ରୀୟ ନୃତ୍ୟ ଶିକ୍ଷା କରୁଥିଲେ। ୧୦ ବର୍ଷ ବୟସରେ ସେ ଭାରତନାଟ୍ୟମରେ ପାରଙ୍ଗମ ହୋଇଯାଇଥିଲେ। ସେ ଏଥିରେ ହିଁ କ୍ୟାରିୟର ଗଢ଼ିବାକୁ ଚିନ୍ତା କରୁଥିଲେ।</li><br />
<li>ମିତାଲି ଛୁଆରୁ ଅଳସୁଆ ଥିଲେ। ତାଙ୍କର ଏହି ଗୁଣକୁ ତାଙ୍କ ବାପା ପସନ୍ଦ କରୁ ନ ଥିଲେ। ସେ ଚାହୁଁଥିଲେ ଝିଅ ସବୁବେଳେ ଆକ୍ଟିଭ ରହୁ। ତେଣୁ ସେ ତାଙ୍କୁ କ୍ରିକେଟ୍ ଖେଳିବା ପାଇଁ କହିଲେ। ୧୦ ବର୍ଷ ବୟସରେ ମିତାଲି ଶାସ୍ତ୍ରୀୟ ନୃତ୍ୟ ଛାଡ଼ି ବ୍ୟାଟ୍ ଧରି ପଡ଼ିଆକୁ ଓହ୍ଲାଇଥିଲେ।</li><br />
<li>ସେ ପ୍ରଥମେ ପ୍ରଥମେ ବାପାମା’ଙ୍କ ଖୁସି ପାଇଁ କ୍ରିକେଟ୍ ଖେଳୁ ଥିଲେ। ତାଙ୍କର ପ୍ରଥମ ପସନ୍ଦ ଥିଲା ଭାରତନାଟ୍ୟମ। ତେବେ ଧୀରେ ଧୀରେ ସେ କ୍ରିକେଟ୍‌କୁ ଭଲ ପାଇ ବସିଲେ।</li><br />
<li>ମିତାଲିଙ୍କ ନୃତ୍ୟ ଶିକ୍ଷକ ତାଙ୍କୁ କ୍ରିକେଟ୍ ଓ ନୃତ୍ୟ ମଧ୍ୟରୁ ଗୋଟିକୁ ବାଛିବାକୁ ପରାମର୍ଶ ଦେଇଥିଲେ। ମିତାଲିଙ୍କ ମା’ ମଧ୍ୟ କ୍ରିକେଟ୍ ଖେଳୁ ଥିଲେ। କ୍ରିକେଟ୍ ଖେଳିବା ପାଇଁ ମିତାଲିଙ୍କୁ ତାଙ୍କ ବାପାମା’ ଉଭୟ ଉତ୍ସାହିତ କରିଥିଲେ। ତାଙ୍କ ପାଇଁ ତାଙ୍କ ମା’ ଚାକିରି ଛାଡ଼ି ଦେଇଥିଲେ।</li><br />
<li>ସ୍କୁଲ୍‌ରେ ମିତାଲି ପୁଅ ପିଲାଙ୍କ ସହ କ୍ରିକେଟ୍ ଖେଳୁ ଥିଲେ। ୧୭ ବର୍ଷ ବୟସରେ ଭାରତୀୟ ଟିମ୍‌ରେ ସ୍ଥାନ ପାଇଥିଲେ। ସେ କିଛି ଦିନ ଧରି ରିଲେସନ୍‌ସିପ୍‌ରେ ମଧ୍ୟ ଥିଲେ। ତେବେ ବ୍ରେକ୍‌ଅପ୍‌ ପରେ କେବେଳ କ୍ରିକେଟ୍ ଉପରେ ହିଁ ଫୋକସ୍ କରୁଛନ୍ତି।</li><br />
<li>ମିତାଲି ହେଉଛନ୍ତି ପ୍ରଥମ ମହିଳା କ୍ରିକେଟ୍‌ର ଯାହାଙ୍କୁ ୱିଜଡନ୍ ଇଣ୍ଡିଆ କ୍ରିକେଟର ଆୱାର୍ଡ ମିଳିଛି। ମହିଳା କ୍ରିକେଟ୍‌ରେ ଟେଷ୍ଟରେ ସେ ଗୋଟିଏ ମ୍ୟାଚ୍‌ରେ ସର୍ବାଧିକ ବ୍ୟକ୍ତିଗତ ସ୍କୋର କରିଛନ୍ତି। ୨୦୦୨ରେ ଇଂଲଣ୍ଡ ବିରୁଦ୍ଧରେ ସେ ୨୧୪ ରନ୍ କରିଥିଲେ। ମହିଳା ଦିନିକିଆ କ୍ରିକେଟ୍‌ରେ ୬୦୦୦ ରନ୍ କରିବାରେ ସେ ହେଉଛନ୍ତି ପ୍ରଥମ ଖେଳାଳି। ଦିନିକିଆରେ ଲଗାତାର ୭ଟି ମ୍ୟାଚ୍‌ରେ ୫୦ ରନ୍ କରିବାର ରେକର୍ଡ ତାଙ୍କ ନାଁରେ ରହିଛି।</li><br />
<li>ମିତାଲିଙ୍କୁ ପଢ଼ିବାକୁ ଭଲ ଲାଗେ। ଏପରିକି ବ୍ୟାଟିଂ କରିବାକୁ ଯିବା ପୂର୍ବରୁ ବି ସେ ବହି ପଢ଼ନ୍ତି। ବହି ପଢ଼ି ପଢ଼ି ନିଜ ପାଳିକୁ ସେ ଅପେକ୍ଷା କରନ୍ତି।</li><br />
<li>୨୦୧୩ରେ ସେ ବିଶ୍ୱର ନମ୍ବର ୱାନ ଦିନିକିଆ ମହିଳା କ୍ରିକେଟର ଥିଲେ। ତାଙ୍କୁ ଭାରତ ସରକାର ଅର୍ଜୁନ ପୁରସ୍କାର ପ୍ରଦାନ କରିଛନ୍ତି। ୨୦୧୫ରେ ତାଙ୍କୁ ଭାରତର ଚତୁର୍ଥ ସର୍ବୋଚ୍ଚ ନାଗରିକ ସମ୍ମାନ ପଦଶ୍ରୀ ପୁରସ୍କାର ପ୍ରଦାନ କରାଯାଇଥିଲା।</li><br />
<li>୨୦୦୫ରେ ଭାରତ ମହିଳା ବିଶ୍ୱକପ୍ କ୍ରିକେଟ୍ ଫାଇନାଲ୍‌ରେ ପହଞ୍ଚିଥିଲା। କିନ୍ତୁ ଫାଇନାଲ୍‌ରେ ମିତାଲି ଖେଳି ନ ଥିଲେ। ତାଙ୍କୁ ଟାଇପଏଡ୍ ହୋଇଥିଲା। ଏହି ମ୍ୟାଚ୍‌ରେ ଭାରତ ହାରି ଯାଇଥିଲା।</li><br />
</ul></p>
