ଏସିଆନ୍ ବକ୍ସିଂ ଚାମ୍ପିୟନସିପରେ ମାରି କମଙ୍କୁ ସ୍ୱର୍ଣ୍ଣ

ଭୁବନେଶ୍ୱର (ଓଡ଼ିଶା ରିପୋର୍ଟର): ବକ୍ସିଂ କ୍ୱିନ୍ ମାରି କମଙ୍କୁ ସଫଳତା। ଏସିଆନ୍ ବକ୍ସିଂ ଚାମ୍ପିୟନସିପ୍ ସ୍ୱର୍ଣ୍ଣ ପଦକ ଜିତିଛନ୍ତି ୫ ଥର ବିଶ୍ୱ ବିଜୟିନୀ ମାରି କମ୍।  ୪୮ କିଲୋଗ୍ରାମ ବର୍ଗ ଫାଇନାଲରେ ମାରି ଉତ୍ତର କୋରିଆର ହ୍ୟାଙ୍ଗ୍ ମି କିମଙ୍କୁ ପରାସ୍ତ କରି ଏହି ସଫଳତା ହାସଲ କରିଛନ୍ତି। ଫାଇନାଲର ପ୍ରଥମ ରାଉଣ୍ଡରେ ହ୍ୟାଙ୍ଗ୍ ମିଙ୍କ  ଶକ୍ତିଶାଳୀ ବାଉଟର ଉଚିତ ମୁକାବିଲା କରିପାରି ନିଥିଲେ ମାରି। ହେଲେ ଦ୍ୱିତୀୟ ରାଉଣ୍ଡରେ ଜବରଦସ୍ତ  ପ୍ରତ୍ୟାବର୍ତ୍ତନ କରି ମାରି ଫାଇନାଲ ବାଉଟକୁ ନିଜ  ନାଁରେ କରିଥିଲେ। ଏସିଆନ୍ ଚାଂପିଅନସିପରେ ମାରିଙ୍କ ଏହା ପଞ୍ଚମ ସ୍ୱର୍ଣ୍ଣ ପଦକ। ସେପଟେ ଅନ୍ୟ ଭାରତୀୟ ମହିଳା ସୋନିଆ ଲାଠର ୫୭ କେଜି ବର୍ଗରେ ରୌପ୍ୟ ପଦକ ହାସଲ କରିଛନ୍ତି। ଫାଇନାଲରେ ସୋନିଆ ଚୀନର ଇନ୍ ଜୁନହୁଆଙ୍କ ସହ କଡ଼ା ସଂଘର୍ଷ କରି ପରାସ୍ତ ହୋଇଛନ୍ତି।