ନୂଆଦିଲ୍ଲୀ: ରୁଷରେ ଚାଲିଥିବା ମାଗୋମ୍ମଦ ସଲାମ୍ ଉମାଖାନୋଭ୍ ମେମୋରିଆଲ୍ ଇଣ୍ଟରନ୍ୟାଶନାଲ୍ ବକ୍ସିଂ ଟୁର୍ଣ୍ଣାମେଣ୍ଟର ଇଣ୍ଡିଆ ଓପନ୍ ସ୍ୱର୍ଣ୍ଣ ପଦକ ବିଜେତା ଭାରତୀୟ ବକ୍ସର ନୀରଜ ଫୋଗତ୍ ବଡ଼ ବିପର୍ଯ୍ୟୟ ଘଟାଇଛନ୍ତି। ସେ ୨୦୧୬ ବିଶ୍ୱ ଚାମ୍ପିୟନ୍ ଆଲେସିଆ ମେସିଆନୋଙ୍କୁ ହରାଇ ଫାଇନାଲରେ ପହଞ୍ଚିଛନ୍ତି।
ଷ୍ଟ୍ରାଞ୍ଜା ମୋମୋରିଆଲ ବକ୍ସିଂରେ ବ୍ରୋଞ୍ଜ ପଦକ ଜିତିଥିବା ନୀରଜ ୫୭ କେଜି ବର୍ଗର ସେମିଫାଇନାଲରେ ୩-୨ ପଏଣ୍ଟରେ ବିଜୟୀ ହୋଇ ଭାରତ ପାଇଁ ଅତିକମରେ ରୌପ୍ୟ ପଦକ ପକ୍କା କରିଛନ୍ତି। ଏହି ମୁକାବିଲାରେ ଉଭୟ ବକ୍ସରଙ୍କ ମଧ୍ୟରେ କଡ଼ା ଟକ୍କର ଦେଖିବାକୁ ମିଳିଥିଲା। କିନ୍ତୁ ଫାଇନାଲ୍ ରାଉଣ୍ଡରେ ଭାରତୀୟ ବକ୍ସର ପରଫେକ୍ଟ ପଞ୍ଚ୍ ମାରି ମୁକାବିଲାକୁ ଜିତି ନେଇଥିଲେ।
ଏହା ପୂର୍ବରୁ ଗୁରୁବାର ଭାରତର ଗୌରବ ସୋଲାଙ୍କି ସେମିଫାଇନାଲରେ ପହଞ୍ଚି ବ୍ରୋଞ୍ଜ ପଦକ ନିଶ୍ଚିତ କରିଛନ୍ତି। ଗତବର୍ଷ ରାଜ୍ୟଗୋଷ୍ଠୀ କ୍ରୀଡ଼ା ସ୍ୱର୍ଣ୍ଣ ପଦକ ବିଜେତା ଗୌରବ କ୍ୱାର୍ଟରଫାଇନାଲରେ ରୁଷର ମାକସିମ୍ ଚେର୍ନିଶେଭଙ୍କୁ ୩-୨ରେ ହରାଇଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
