କଟକ (ଓଡ଼ିଶା ରିପୋର୍ଟର): ଅରୁଣାଚଳ ପ୍ରଦେଶରେ ଚାଲିଥିବା ୨୫ତମ ଜାତୀୟ ସିନିୟର ଫୁଟବଲ ଚାମ୍ପିୟନଶିପରେ ଓଡ଼ିଶା ଦଳ ବିଜୟଧାରା ଅବ୍ୟାହତ ରଖି ସେମିଫାଇନାଲରେ ପହଞ୍ଚିଛି। ଶନିବାର ସିଏଚଏଫ୍ ଷ୍ଟାଡିୟମରେ ଖେଳାଯାଇଥିବା କ୍ୱାର୍ଟରଫାଇନାଲରେ ଦୀପା ନାୟକଙ୍କ ଡବଲ୍ ଗୋଲ୍ ବଳରେ ଓଡ଼ିଶା ୫-୦ ଗୋଲରେ ଆୟୋଜକ ଅରୁଣାଚଳ ପ୍ରଦେଶକୁ ପରାସ୍ତ କରିଛି।
ମ୍ୟାଚର ଉଭୟାର୍ଦ୍ଧରେ ଓଡ଼ିଶା ଚମତ୍କାର ପ୍ରଦର୍ଶନ କରିଥିଲା। ପ୍ରଥମାର୍ଦ୍ଧରେ ଓଡ଼ିଶା ତିନୋଟି ଓ ଦ୍ୱିତୀୟାର୍ଦ୍ଧରେ ଦୁଇଟି ଗୋଲ୍ ଦେଇ ମ୍ୟାଚକୁ ଏକତରଫା ଭାବେ ଜିତି ନେଇଥିଲା। ଓଡ଼ିଶା ପକ୍ଷରୁ ଦୀପା ନାୟକ ଦୁଇଟି (୧୬ତମ, ୭୪ତମ) ଗୋଲ୍ ଦେଇଥିବା ବେଳେ ରୁନି ନାୟକ (୩୯ତମ), ଯଶୋଦା ମୁଣ୍ଡା (୪୫ତମ) ଓ ସୁମିତ୍ରା ଖାଲଖୋ (୭୧ତମ) ଗୋଟିଏ ଲେଖାଏ ଗୋଲ୍ ସ୍କୋର କରିଥିଲେ। ରବିବାର ଓଡ଼ିଶା ସେମିଫାଇନାଲରେ ଇଣ୍ଡିଆନ୍ ରେଲୱେକୁ ଭେଟିବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
