ରାଜଧାନୀରେ ମୋଦି-ନବୀନଙ୍କ ଫଟୋ ଫାଇଟ୍‌, ମାଧ୍ୟମ ସାଜିଛି ହକି

<p>ଭୁବନେଶ୍ୱର: ବିଶ୍ୱହକି ହକି ଲିଗ୍ ଫାଇନାଲ ପୂର୍ବରୁ ରାଜଧାନୀରେ ପୋଷ୍ଟର ୱାର୍&zwnj;। ଟୁର୍ଣ୍ଣାମେଣ୍ଟର ଶ୍ରେୟ ନେବା ପାଇଁ କେନ୍ଦ୍ର ଓ ରାଜ୍ୟ ସରକାରଙ୍କ ମଧ୍ୟରେ ଆରମ୍ଭ ହୋଇଯାଇଛି ପ୍ରତିଯୋଗିତା। ଖେଳାଳିଙ୍କୁ ସ୍ୱାଗତ ଜଣାଇବା ଲାଗି ପ୍ରଧାନମନ୍ତ୍ରୀ ଓ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଫଟୋ ଥିବା ହୋର୍ଡିଂ ଲଗାଇଛି । ଟୁର୍ଣ୍ଣାମେଣ୍ଟ ସ୍ପନସର ONGC ଏପଟେ ଏହାକୁ କାଉଣ୍ଟର ଲାଗି ମୁଖ୍ୟମନ୍ତ୍ରୀଙ୍କ ଫଟୋ ଏବଂ ୱେଲ କମ୍&zwnj; ଟୁ ହୋମ୍ ଅଫ୍ କଳିଙ୍ଗ ଲାନସର୍ସ ବାର୍ତ୍ତାଥିବା ହୋର୍ଡିଂ ଲଗାଇଛନ୍ତି। ରାଜ୍ୟ ସରକାର ଏହା ବିଜେପି ଓ ବିଜେଡି ମଧ୍ୟରେ ଚାଲିଥିବା ରାଜନୈତିକ ପ୍ରତିଦ୍ୱନ୍ଦ୍ୱିତାକୁ ପୁଣି ପଦାରେ ପକାଇଛି। କଳିଙ୍ଗ ଷ୍ଟାଡିୟମ୍ ଗେଟ୍ ନମ୍ବର ୩ ର&nbsp; ଗୋଟିଏ ପଟେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଫଟୋ ଥିବା ହୋର୍ଡିଂ ଲାଗିଥିବା ବେଳେ ଅନ୍ୟପଟେ ନବୀନଙ୍କ ଫଟୋ ଥିବା ହୋର୍ଡିଂ ଲାଗିଛି।</p> <p>ମୋଦିଙ୍କ ହୋର୍ଡିଂରେ ଧର୍ମେନ୍ଦ୍ରଙ୍କ ସହ ଟିମ୍ ଇଣ୍ଡିଆର ଫଟୋ ଥିବା ବେଳେ ନବୀନଙ୍କ ହୋର୍ଡିଂ ରହିଛି କଳିଙ୍ଗ ଲାନସର୍ସ ଟିମ୍&zwnj; ଫଟୋ। &nbsp;ବିଶ୍ୱ ହକି ଲିଗ୍ ଫାଇନାଲ ଆରମ୍ଭ ହେବା ପୂର୍ବରୁ ରାଜଧାନୀରେ ଦେଖିବାକୁ ମିଳିଛି ଏମିତି ପୋଷ୍ଟର ଓ୍ୱାର। &nbsp;ତେବେ ରୋଚକ କଥା ହେଉଛି କିଛି ସମୟ ଲାଗିବା ପରେ ମୋଦିଙ୍କ ଫଟୋ ଥିବା ହୋର୍ଡିଂ ଉଭାନ ହୋଇଯାଇଥିଲା। &nbsp;ତେବେ କିଏ କାହିଁକି ଏହି ହୋର୍ଡିଂ ଲଗାଇଥିଲେ ଓ କାଢି ନେଲେ ତାକୁ ନେଇ ଚର୍ଚ୍ଚା ଆରମ୍ଭ ହୋଇଛି। &nbsp;କେନ୍ଦ୍ର ଓ ରାଜ୍ୟ ସରକାରଙ୍କ ମଧ୍ୟରେ ଚାଲିଥିବା ଏହି ପୋଷ୍ଟର ୱାରକୁ ସମାଲୋଚନା କରିଛି କଂଗ୍ରେସ । ପୋଷ୍ଟର ୱାର ଛାଡି ଉଭୟେ&nbsp; ରାଜ୍ୟର ବିକାଶ ପ୍ରତି ଧ୍ୟାନ ଦିଅନ୍ତୁ ବୋଲି କହିଛନ୍ତି ବିରୋଧୀ ଦଳ ନେତା ନରସିଂହ ମିଶ୍ର ।</p> <p>ସୂଚନା ଯୋଗ୍ୟ ଯେ, ୯୦ ଦିନରେ ଏସିୟାନ ଆଥଲେଟିକ୍ ଚାମ୍ପିୟନସିପ ଭଳି ଅନ୍ତର୍ଜାତୀୟ ଟୁର୍ଣ୍ଣାମେଣ୍ଟ ଆୟୋଜନ କରି ରାଜ୍ୟ ସରକାର ବେଶ &nbsp;ପ୍ରଶଂସିତ ହୋଇଥିଲେ। &nbsp;ତେବେ ଅନ୍ତର୍ଜାତୀୟ ପ୍ରତିଯୋଗିତା ହୋଇଥିଲେ ମଧ୍ୟ ଏହି ସମୟରେ କେନ୍ଦ୍ରୀୟ କ୍ରୀଡ଼ାମନ୍ତ୍ରୀଙ୍କୁ ଠାରୁ ଆରମ୍ଭ କରି ରାଜ୍ୟର ଦୁଇ କେନ୍ଦ୍ରମନ୍ତ୍ରୀଙ୍କୁ ଦେଖିବାକୁ&nbsp; ମିଳି ନ ଥିଲା । ତେବେ ବିଭିନ୍ନ ମହଲରେ ନବୀନଙ୍କର ଜୋରଦାର ପ୍ରଂଶସା ହେବା ପରେ ଏଥର କେନ୍ଦ୍ର ସରକାର ଆଉ ପଛରେ ରହିବାକୁ ଚାହୁଁ ନ ଥିବା ଚର୍ଚ୍ଚା ହେଉଛି।</p>