ଯୁବବର୍ଗଙ୍କୁ ଆକୃଷ୍ଟ କରୁଛି ହକିର ଏହି ନୂଆ ଫର୍ମାଟ

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ଫିଲ୍ଡ ହକି ପରେ ଏବେ ଓଡ଼ିଶାରେ ରୋଲର୍&zwnj; ହକିର କିମିଆ। ପ୍ରଥମ ଥର ପାଇଁ ରାଜ୍ୟରେ ପ୍ରବେଶ କରିଛି ରୋଲର ହକି। ଚର୍ଡିଗଡ଼ରେ ଆଗାମୀ ଦିନରେ ଜାତୀୟ ସ୍ତରର ରୋଲର ହକି ପ୍ରତିଯୋଗିତାର ଆୟୋଜିତ ହେବ। ଏଥିପାଇଁ ପ୍ରସ୍ତୁତ ହେଉଛି ଓଡ଼ିଶା ଟିମ୍। ଭୁବନେଶ୍ୱରର ବିଭିନ୍ନ ସ୍ଥାନରେ ଟ୍ରେନିଂ କ୍ୟାମ୍ପ୍ ଆୟୋଜନ କରାଯାଇ ଖେଳାଳିଙ୍କୁ ଟେକ୍&zwnj;ନିକ୍&zwnj; ବତାଯାଉଛି।</p> <p>ରୋଲର ହକିକୁ ନେଇ ପିଲାଙ୍କ ମଧ୍ୟରେ ବେଶ ଉତ୍ସାହ ଦେଖିବାକୁ ମିଳୁଛି। ରାଜଧାନୀର ବିଭିନ୍ନ ସ୍ଥାନରେ ଆଗ୍ରହୀ କ୍ରିଡ଼ାବିତଙ୍କୁ ରୋଲର ପ୍ରଶିକ୍ଷଣ ଦିଆଯାଇଛି।</p> <p>&lt;span style=&quot;color: #ff0000;&quot;&gt;କ&rsquo;ଏ ଏହି ରୋଲର ହକି&lt;/span&gt;</p> <p>ଫିଲ୍ଡ ହକି ଠାରୁ ଅଲଗା ଓ ଆଇସ୍&zwnj; ହକିର ପାଖାପାଖି ହେଉଛି ଏହି ରୋଲର ହକି। ଏଥିରେ ଗୋଟିଏ ଟିମରେ ରହିବେ ୫ ଜଣ ଖେଳାଳି। ଓଡ଼ିଶାରେ ନୂଆକରି ପ୍ରବେଶ କରିଥିବା ଏହି ହକି ପାଇଁ ବିଭିନ୍ନ ବର୍ଗରେ ୩ଟି ଟିମ୍ ଗଠନ କରାଯିବ। ଏଥିପାଇଁ ୧୦ଦିନ ଧରି କ୍ୟାମ୍ପରେ ଯୋରଦାର ପ୍ରସ୍ତୁତି ହୋଇଛି।</p> <p>ଏବେ ଏହି ଖେଳ ପ୍ରତି ପିଲାଙ୍କ ଉତ୍ସାହ ବୃଦ୍ଧି ପାଉଥିଲେ ମଧ୍ୟ ଏହାର ବିକାଶ ପାଇଁ ରାଜ୍ୟରେ କୌଣସି ଭିତ୍ତିଭୂମି ନାହିଁ। ସରକାର ଏ ଦିଗରେ ପଦକ୍ଷେପ ନେବା ଜରୁରୀ ବୋଲି କ୍ରିଡ଼ାବିତଙ୍କ ମଧ୍ୟରେ ମତ ପ୍ରକାଶ ପାଇବାରେ ଲାଗିଛି।</p>